CBS: Hulanda ta den un recession leve, y economia tin mitar aña ta krimp caba

AMSTERDAM – E economia di Hulanda ta den un recession leve, segun CBS a raporta diaranson na Hulanda. Economia di e pais den e di dos cuartal di e aña aki a krimp cu .03% compara cu e cuartal prome. Den e prome cuartal di e aña aki e economia a krimp caba cu 0.4%A. Pues e economia ta krimp dos cuartal caba y cu esey oficialmente Hulanda ta den un recession.  E no ta un recession classico cu faillisement masal y retiro masal, segun economista principal di CBS, Peter Hein van Mulligen. Esaki pasobra e cantidad di retironan ta leve y no ta ripara riba mercado laboral cu lo tin un stagnacion. Tin mas vacatura cu desempleo, pues e mercado laboral ta ok ainda.