Segun ANATO, interes pa Colombianonan biaha pa Aruba pa vacantie a aumenta cu 51%

BOGOTA – E cantidad di Colombiano cu a biaha pa Aruba entre juni y juli 2023 durante temporada vacacional, a aumenta cu 51% compara cu un aña anterior segun ANATO (Asociación Colombiana de Agencias de Viajes y Turismo). E destinacionan principal di e Colombiano tabata Merca, Spaña, Mexico, Panama y Republica Dominicano, representanto 71% di tur biahe di Colombiano. Pero, e destinacionan cu a conoce un crecemento mas grandi durante e mesun temporada vacacional, tabata Inglatera (120%), Venezuela (109%), Cuba (73%), Aruba (51%) y Ecuador (39%).  Pa loke ta e cantidad di stoel disponible, entre Aruba y Colombia, tabatin un crecemento di 81,6% (cu 54.996 stoel).

FLUHO TURISTICO

E informe di ANATA ta enfatisa tambe e fluho turistico emisivo positivo na Colombia, destacando e crecemento den transporte aereo, y e diversificacion di e oferta. E factornan aki ta promoviendo e generacion di empleo y ta convirtiendo su mes den un motor clave pa progreso socioeconomic di e pais, segun Paula Córtes Calle, presidente di ANATO. Potret cortesia di e portal El Colombiano.