Periodista Argentino ta inunda rednan social cu potret di su renovacion di voto na Aruba

ORANJESTAD/BUENOS AIRES – E periodista Argentino hopi conoci Sandra Borghi a hala hopi atencion cu su renovacion di voto di casamento na Aruba recientemente, den medionan local Argentino. E la sorprende tur hende na Argentina cu e acto aki, y despues a inunda e rednan social di su pais cu potret di e evento cu a tuma lugar siman pasa na Aruba. Esaki ta netamente loke Aruba tabata busca, esta pa haci e evento uno di tal forma cu e por logra propaga Aruba miho ainda como un destinacion pa casamento y of renobacion di voto. Y sigur si entre nan tin algun ‘influensers’, manera ta e caso aki di Borghi. Pasobra cada publicidad ta multiplica grandemente, dunando Aruba e cobertura impagable, den e respectivo pais di e persona. Den e caso aki, Aruba ta haya un cobertura ‘gratis’ na Argentina.