E super luna tabata visible ayera nochi y ta bolbe fin di luna atrobe

ORANJESTAD – E asina yama ‘super luna’ tabata visible ayera nochi na Aruba y ya tin un nobo fin di e luna aki tamb. E fenomeno aki ta ora cu e luna yen ta relativamente cerca di nos planeta tera. Y riba varios parti di mundo, por a mira e fenomeno bunita aki. Un super luna ta mustra 5% mas grandi cu un luna yen normal y ta para e ora ey 363.300 kilometer for di planeta Tera. E luna mes ta hopi mas cla tambe aunke cu e wowo regular, esaki no ta asina notable. E proximo super luna ta visible atrobe dia 31 di augustus proximo. Ta sosode cada dos pa tres aña cu dos biaha den un luna por mira e super luna, cu ta wordo yama tambe e luna blauw.