Corsou a yega final internacional di Senior League World Series

EASLEY- Selekshon di Senior League Liga Pabou ayera a efektuá nan di dos wega den e Senior League World Series. Esaki ora ku e selekshon ku ta representá e region di Karibe den e torneo a enfrentá Oustralia. Di forma konvisente e selekshon di Kòrsou a gana di Oustralia ku skor di 10-0.

E selekshon di Liga Pabou a kuminsá for di trempan ora ku nan a anotá kuater kareda den kabes di promé inning. Nan a anotá un biaha mas den den tres i a anotá na sinku okashon den di sinku inning.

Pa Kòrsou ayera 10 kareda, 6 hit i 0 eror.  Keven Rosina a gana ora e tira 4 inning i un tèrsio di blankeo den kua el a permití apénas 4 hit i poncha 8 bateadó. Na bate Nathan Castillo a resaltá, ora el a bai di 3-2 ku 2 kareda empuhá.

Ku e viktoria aki Kòrsou Liga Pabou ta yega awor na dos viktoria den e torneo, i mas importante ainda ta klasifiká pa e final internashonal di Senior League World Series. Esaki lo tuma lugá djabièrnè awor 4 or di atardi. NOTA: Texto scirbi den Papiamento fonetico di Corsou.