Entrante awe, Aruba ta reduci impuesto riba 660 producto

ORANJESTAD – Aruba ta baha invoerrechten riba por lo menos 660 producto awe. Esaki ta bay hunto cu introduccion di BBO na frontera. Pa compensa pa e introduccion ey, ta aplica e reduccion menciona riba productonan di alimento y bebida, ekiponan di energia duradero, auto electrico, productonan di textile , instrumentonan musical, buki y material di construccion.  

ALIMENTO Y BEBIDA

Hopi producto di cuminda y bebida cu tabatin un tarifa anterior di 6% manera lechi, yogurt cu fruta, cacao y zeta, awor ta haya un tarifa di zero. E tarifa di 12% riba chuculati y lechi di coco awor ta bira 6%. Tambe impuesto riba producto cu ta genera energia berde, autonan electrico y otro auto ta baha di 2% pa 0%. E impuesto riba material di construccion cu tabata 10% awor ta bira 6%. Instrumentonan musical nan tarifa di impuesto ta bira awoir 12% di  22%. Y tarifa riba buki ta bay di 6% pa 0%.