Arends: Doñonan di autobus chikito tin 8 siman pa saca asiento extra conforme ley

ORANJESTAD - Ta duna vergunninghouders di autobus chikito 8 siman di tempo pa saca asiento extra conforme ley. Esaki mriando cu un autobus chikito por tin maximaal 11 asiento pa pasahero segun ley (Lv personenvervoer Art 1 Lid 1). Cu e asiento di chauffeur ta forma e 12 asiento cu por tin den un autobus chikito. Esaki ta un di e hopi topiconan cu a keda discuti recientemente durante un reunion entre e chauffeurnan y e respectivo minister. Demas puntonan cu a wordo presenta ta vestuario, asiento, tarifa y vergunning.   

TRANSPORTE SOSTENIBEL

Otro puntonan cardinal cu ta atende cu ne pa loke ta e maneho ta entre otro empuhe pa un forma sostenibel di transporte por ehempel vehiculo electrico, hidrogeno como fuente di energia alternativa, posibel adaptacion e.o. ruta, regulacion di salida, orario y por ultimo revisa prijs di permiso cual a wordo regla na 2004.

COMPROMETI 

Minister Arends, encarga cu e maneho di transporte, a sigura durane e reunion cu e ta compremeti pa inclui e chauffeurnan di autobus activamente den e implementacion di e maneho. Asegurando nan aporte valioso, nan preocupacionnan ta ser scucha y tuma na cuenta den esfuersonan continuo pa crea un sistema di transportacion mas eficiente y sostenibel.