IMSAN a logra haya nan Gold Seal of Approval acreditacion preliminar di Joint Commission International

SAN NICOLAS – Instituto Medico San Nicolas (IMSAN) a logra su acreditacion preliminar for di Joint Commission International (JCI) cu ta acredita institutonan medico rond mundo. Ta trata di e anuncio preliminar mirando cu ta aki 10 dia e ta bira oficial, pa despues e wordo publica tambe riba nan portal. Esaki ta logro di trabou duro di e instituto pa varios luna di trabou pa despues pasa den un auditorio rigoroso pa JCI cu ta dicidi despues si nan ta haya e acreditacion. Den e caso aki ta trata di e asina yama The Gold Seal of approval, cu mas di 1000 instituto medico den 70 pais a logra caba. Den e caso di IMSAN, nan ta bira e prome den full region di Caribe Hulandes, segun minister di Salud Dangui Oduber. Masha Pabien na Imsan cu awe a ricibi e noticia preliminar cu nan a logra ricibi nan acreditacion for di JCI.

Nan lo ta e prome acredita den full e region di Caribe Hulandes.