Hulanda ta perde 4-2 contra Croacia den semifinal di UEFA Nations League

ROTTERDAM – Un wega cu a cuminsa bon pa Hulanda diaranson atardi (ora local)  den e wega semifinal di UEFA Nations League, a caba cu problema ora cu Croacia a vence e seleccion cu e score di 4 - 2 cu ta manda Croacia pa e final diadomingo awor den final di UEFA Nations League. Hulanda a termina e prome mitar cu un bentaha di 1-0 cu un gol di Donyell Malen. Despues den e di dos mitar, un fayo kens di Hulanda a duna Croacia un penalty, ora cu Andrej Kramaric (Croacia) ta  empata e wega 1-1. Despues di un semi descuido, Croacia a sigura nan victoria cu un goal mas di Mario Pasalic dunando nan e delantera. Hulanda no a entrega y faltando 20 seconde prome cu e tempo final reglamentario, Noa Lang a hinca un goal empatando e wega 2- 2 mandando esaki den overtime.  Ora cu e tempo extra a cuminsa, tabata Bruno Petkovic cu a duna Croacia e delantera atrobe 3-2. Finalmente Tyrell Malacia di Hulanda ta benta Luka Modric abou causando un penalty. Y ta Luka Modric mes asina ta hinca e penalty, mandando Croacia pa e final cu e score di 4-2. Hulanda ta topa sea Italia of Spaña diadomingo merdia na Enschede.