Hulanda preparando pa comienso di reunionan di IPKO na Den Haag e siman aki

Hulanda preparando pa comienso di reunionan di IPKO na Den Haag e siman aki

Posted on 05/28/2023 6:48 pm AST | Updated on 05/28/2023 6:49 pm AST

DEN HAAG – Hulanda ta preparando pa ricibi Parlamentarionan di Aruba, Corsou y St Maarten e siman aki pa reunionan Interparlamentario di Reino Hulandes, conoci como IPKO. E  reunionan ta tuma lugar di diahuebs 1 di juni 2023 te cu dialuna 5 di juni 2023. E reunionan lo ta presidi e biaha aki pa presidente di comision fiho di Relacionan di Reino di Tweede Kamer, esta   Mariëlle Paul (VVD), riba temanan comun cu ta toca e paisnan mnciona. Temanan den e reunion aki ta entre otro cambio di clima, enseñansa, e conferencia pendiente di Reino, seguridad di data dentro di Reino y e proceso di kolonialismo y pasado di sclavitud.  NOTA: E potret ta di e ultimo reunion di IPKO cu a tuma lugar na Corsou na februari di e aña aki. 

  • Aunke interes ta minimo riba e islanan, lo sigui tene conferensia di Reino riba clima 2025

    Aunke interes ta minimo riba e islanan, lo sigui tene conferensia di Reino riba clima 2025

    W’STAD/DEN HAAG - Minister Hulandes demishonario di Klima i Energia, Rob Jetten a anunsiá durante un reunion di e komishon fiho di Relashonnan den Reino di parlamento Hulandes ku na 2025 ta organisá e di dos konferensia di klima di reino na Kòrsou. Esaki despues ku e promé konferensia a tuma lugá na mei 2023 na Aruba. El a katalogá e promé konferensia sumamente eksitoso ku partisipashon di diferente pais den region. E ta interesante mirando cu na mei na Aruba Jetten a informa Noticiacla cu e interes pa asuntonan di Clima ta casi nulo, pasobra tin problemanan mas importante cu esey pa atende. Asina mes, ta sigui tene e conferencianan. 

  • Na Hulanda partidonan kier keda cla cu formacion di gobierno mitar di mei

    Na Hulanda partidonan kier keda cla cu formacion di gobierno mitar di mei

    DEN HAAG – Negosacionan pa forma gobierno nobo na Hulanda ta continua awe. E lidernan di e 4 partido ta hunto prome biaha cerca e informado. E intencion ta pa logra un acuerdo pa mitar di luna di mei di e aña aki ainda. Pero na final di e combersacion, Geert Wilders di PVV no por a sigura esaki ainda. Partidonan ta hopi positivo pa e progreso, pero ainda no por bisa si ta logra e meta menciona. Algun medio ta bisa cu e combersacionan ta bayendo hopi lento, pero e partidonan ta desmenti esey. E parti financiero ta e parti mas dificil pa atende. Na November di aña pasa tabatin eleccion y a cuminsa negosha. Ya ta bayendo pa 5 luna di formacion. 

  • Inicio programa di investigacion cientifico internacional di pasado di sclabitud

    Inicio programa di investigacion cientifico internacional di pasado di sclabitud

    ORANESTAD - E pasado di sklabitut kolonial di Hulanda i su impakto a forma diferente pais rònt mundu profundamente. Tòg e konosementu ku ta disponibel tokante e pasado di sklabitut kompartí akí ta skirbí partikularmente for di perspektiva kolonial. Pa enrikesé nos perspektiva, minister Dijkgraaf (Enseñansa, Kultura i Siensia) ta inisiá un koperashon global di sientífikonan riba e tópiko akí awe na Aruba. Esei el a anunsiá awe durante un mishon di konosementu den Karibe. 

  • Tweede Kamer ‘nobo’ ta strobando gabinete demisionario di goberna na Hulanda

    Tweede Kamer ‘nobo’ ta strobando gabinete demisionario di goberna na Hulanda

    DEN HAAG – Hulanda ta den un situacion dificil, unda cu hopi ta puntra ken ta esun cu ta manda. Tin un proceso andando pa forma un gabinete nobo cu partidonan PVV, VVD, NSC y BBB, pero mientras cu nan no sali afo, e gabinete demisionario di VVD, D66, CDA y CU ta sigui goberna. Esey ta bira un problema pasobra e partidonan cu mayoria den Tweede Kamer cu ta contra e gabinete actual, si ta activo den Tweede Kamer y ta stroba e gabinete demisionario cu nan plannan. Como ehempel, tabata e cambio di direccion pa canalnan publico. E gabinete demisionario a dicidi cu no ta tuma decision riba e futuro di e medionan ey. Pero e partidonan actual den Tweede Kamer, no tabata kier, pasobra nan si tabata kier decision awor riba e tema. Y asina tin varios otro tema cu ta haya problema entre e gabinete y Parlamento. 

  • Uso di droga ‘nobo’ 3-MM a aumenta entre hobenan vulnerable na Hulanda

    Uso di droga ‘nobo’ 3-MM a aumenta entre hobenan vulnerable na Hulanda

    AMSTERDAM – E deseo na e droga special 3-MMC entre hobenan vulnerable a aumenta na Hulanda. Investigadornanb di Hogeschool van Amsterdam a haci e investigacion recientemente. Compara cu 2020, e uso di e droga a aumenta seriamente. E ta un tipo di droga cu ta bin den puiro blanco y cristal of pilder. E ta un droga basta hoben, desde 2012 activo solamente, cu ta e motibo cu ta yame un droga di diseño, of moderno. Mitar di e usuarionan encuesta ta menor di edad. E ta un grupo cu casi no ta sali y ta prefera keda cas. E ta hopi popular ya cu e ta hopi mas barata cu cocaine y toch tin un efecto basta similar. 

  • Retraso na Hulanda den proceso di renobacion di pasaporte debi na demanda halto

    Retraso na Hulanda den proceso di renobacion di pasaporte debi na demanda halto

    DEN HAAG – Varios municio na Hulanda tin problema cu demanda pa pasaporte Hulandes. E organo di biahe ANVR ta papia di un tormenta unda cu ta mira cu e tempo di espera pa un pasaporte a aumenta di 1 siman normal te 6 siman. E demanda grandi ta debi na reglanan cu a cambia na 2014. Te cu e aña ey, pasaportenan y id tabatin valides di 5 aña pero a cambia esaki na 10 aña. Esey ta nifica cu e aña aki diripiente un cantidad grandi di persona mester di sea un pasaporte of renobacion di ID. Aki na Aruba tambe lo por sinti e efecto aki di retraso. 

  • Powered by SETAR