Delegacion di Wit Gele Kruis a bishita Arubahuis durante nan biahe di trabou na Hulanda

DEN HAAG  – Un delegacion di Wit Gele Kruis (WGK) cu recientemente tabata na Hulanda a haci un bishita di cortesia na Minister Plenipotenciario mr. Ady Thijsen. E delegacion a consisti di director di WGK Gino Goeloe, Edwin Roos Bestuursvoorzitter di WGK y Monique Giel-Labad, coordinador “tienermoeder”.

Director di WGK sr. Goeloe a bisa Minister Thijsen cu na biahe pa Europa ta den cuadro di nan bishita na Campus Vives Hogeschool Brugge na Belgica pa internationalisering, unda nan a bishita studiante na e scol aki. Tambe a papia riba lugar pa studiantenan core stage y duna informacion di nos cultura, norma y balornan. A duna informacion den e ramo di partera, enfermeria y dietista unda e studiantenan por core nan “buitenlandse” stage.

Na Hulanda e delegacion di WGK a bishita Fundacion FIER, na Leeuwarden y Rotterdam cu ta un instancia specialisa na duna sosten, ayudo y opvang na abuso, maltrato na muchanan y mama hoben. Tambe nan ta trata mucha muhernan cu tabata victima di e asina yama “loverboys”, vechtscheiding y abuso sexual. E combersacionnan tabata dirigi riba e posibilidad cu muchanan Arubiano por wordo tuma den opvang pa tratamento y asina tin un bista riba recuperacion y cu nan por regresa nan cas bek y siqur cu tin nazorg pa cu e muchanan ora nan bin bek nan cas. E potret ta cortesia di Arubahuis