KLM a gana caso contra Gobierno Hulandes. No por reduci cantidad di buelo sin mas

SCHIPHOL – Gobierno Hulandes no por reduci e cantidad di buelo na Schiphol (aeropuerto principal na Hulanda) e aña aki di 500 mili pa 460 mil. Asina Corte na Noord Holland a determina den un caso sumario cu KLM y otro aeroliñanan manera Delta Air Lines, Corendon, EasyJet y TUI a entama. E motibo cu gobierno kier haci e reduccion, ta pa mengua e peso di zonido extra. Pero segun e huez, gobierno no a usa e procedura corecto, y cu e mester tene sum es na e reglanan Europeo. Y segun e reglanan aki, gobierno por limita e cantidad di buelo solamente si nan sigui un proceso specifico.  Un reduccion di cantidad di buelo ta permiti si solamente por demonstra cu otro medida impone pa reduci e peso di zonido, no tabata suficiente.