AHATA kier wak e cifranan financiero di WEB di 2022

ORANJESTAD – Aruba Hotel & Tourism Association (AHATA) kier wak e cifranan financiero di aña 2022 di WEB Aruba NV mas pronto posibel. Asina e CEO Tisa LaSorte ta urgi e director Alfredo Koolman fecha 31 di maart ultimo. Ademas e CEO ta mustra cu e entrada annual adicional di e compania di mas of menos 120 miyon florin genera, danki na e aumento di tarifa, y e 36 miyon cu a scapa, mester a causa un mehoransa significativo den e situacion financiero di WEB. “Consecuentemente, e peso cu a wordo poni riba e comunidad cu e aumento di tarifa, mester wordo kita!” LaSorte ta sigui bisa.  

CALCULACIONAN

Pa ‘yuda’ WEB, AHATA a inclui un calculacion y repaso di cifra y informacion acumula, pa clarifica y hustifica mas ainda pakico WEB mester kita e aumento aworaki. Segun AHATA su carta manda na WEB, desde instalacion di e RECIP IV na juni di 2022, WEB Aruba a indica cu e la reduci e uso di Heavy Fuel Oil cu 25%, cu ta traduci na 800 bari pa dia. “Asumiendo cu un prijs averahe di HFO( incluyend transporte) di $70 pa bari, e uso menos ta causa cu WEB por scapa por lo menos F56,000 pa dia” AHATA ta sigui bisa. “E gasto di fuel cu ta scapa, ta entre AFL 100,240 pa dia., AFL 3048,967 pa luna y AFL 36,587,600 pa aña. Pues tur e loke a keda bisa, segun AHATA, ta mas cu hustifica e reduccion di tarifa. Y ademas ta keda warda e resultado financiero di 2022 di e compania, y finalmente, ta warda un invitacion pa un reunion cu e otro gremionan    ATIA, CUA, WAB, KvK, FTA, SEPPA, SADA, SIMAR, STT, ABV, OPPA, y SPA, manera cu nan carta hunto a bsa dia 3 di maart ultimo. Por lesa e carta completo AKI.