E aeroliña Air Century kier cuminsa bula directo di Punta Cana pa Aruba

PUNTA CANA – E aeroliña Dominicano Air Century a solicita permiso special pa habri rutanan directo entre Punta Cana pa destinonan di Caribe, Europa y Merca. E rutanan aki lo cuminsa na juni proximo. Pa Aruba esaki kier men cu ta bula directo for di Punta Cana. Nan ta usa avionan Bombardier CRJ200 pa 50 pasahero  y Airbus A321 pa  220 pasahero. Fuera di Aruba, lo bula pa La Habana, Cuba; Willemstad, Curacao; Cartagena Colombia; Philipsburg, St Maarten; San Juan, Puerto Rico; Maracaibo, Venezuela; Montego Bay, Jamaica; Valencia, Spaña, y New York, Merca.

“E destinonan solicita pa Air Century ta mercadonan importante pa Republica Dominicana pa cual nos ta spera cu e cantidad di pasaheronan riba teritorio nacional aumenta ”, José Ernesto Marte Piantini, presidente di e Hunta di Aviacion Civil a bisa.

Un otro aeroliña cu ta sigui habri ruta ta esun di costo abou, esta Arajet cu recientemente a solicita di Merca pa habri ruta pa nan usando e flota di avion Boeing 7378 Max cu capacidad pa 185 pasahero.