- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Menasa di morto contra parlamentario di Corsou pa motibo di sosten pa LGBT
WILLEMSTAD - Miembro di Staten di PNP Gwendell Mercelina (jr.) ta bisa ku el a hasi denunsia di menasa (di morto) kontra dje. Esakinan ta sigui despues di un entrevista riba e website di notisia 24Ora kaminda e ta ekspresá su sosten pa habri matrimonio na Kòrsou, pa hende lhbt tambe por kasa.
Polis ta investigando algun di e menasanan. “Via un number ku mi no konosé a yama mi ku e mensahe ku na ta bai tira mi mata. Riba medionan sosial entre otro mi a lesa ku hende tin gana di mira mi muri, nan a bisa ku mi no ta bal di ta na bida”, segun Mercelina.
Entrevista
Na desèmber Korte a disidí ku matrimonio mester habri pa tur hende na Kòrsou i Aruba. Nan gobièrnunan despues a disidí di rekurí na kasashon.
Dilanti 24Ora siman pasá, Mercelina a bisa ku ta na gobièrnu arubano mes pa nan sigui prosedé. “Pero si ta trata di un areglo diskriminatorio, na final mester adaptá nos Kódigo Sivil.”
E site di notisia tambe a entrevistá parlamentario Rennox Calmes (Trabou pa Kòrsou), ku sí ta simpatisadó di e matrimonio tradishonal, solamente entre un hòmber i un muhé. “Riba e website nos tabata kontra otro. Hende a reakshoná masha positivo riba Rennox.”
Pero Mercelina en kambio a haña hopi reakshon di odio. E menasanan, ku ta den poseshon di Ret Karibense, ta pisá. Manera: “Nos ta bai tira bo yave”i “Bo no por eksistí”
No ta promé bia ku tin menasa
No ta promé bia ku ta menasá Mercelina. Esaki a sosodé anteriormente den tempu di elekshon i resientemente durante un krísis polítiko entre MFK i PNP, kaminda e kumbre di MFK a indiká Mercelina komo un ‘hende ku ta pusha palu bou di kandela” fèrfelu. “Mi a yega di eksperensiá anteriormente tambe ku hende ta trata di humiliá mi”
E ta bisa ku e ta ‘asombrá’ di e reakshonnan i menasanan impetuoso ku e ta risibí aktualmente. “Krítika skèrpi segun mi ta parti di e bida di un polítiko. Pero esaki ta bai muchu leu. Pesei mi a hasi denunsia.”
Na promé instansha Mercelina no ker a hasi denunsia. Pero finalmente el a hasi esaki tòg ‘pasobra mi no ta mi so tampoko’. “Mi tin mi famia. Mi mester kuida nan. Nan ta prekupá i nan no ke pa nada no pasa ku mi. Mi mester protehá nan tambe.”
Segun e parlamentario e tin e impreshon ku polis ta tuma e menasanan serio.
‘Mi no ta bai adaptá mi opinion’ “Ounke mi a kousa hopi rabia serka algun hende: mi sa ku mi no a hasi nada malu”, Mercelina ta reakshoná. “Mi no ta bai adaptá mi opinion tampoko.” Den e entrevista ku e site di notisia arubano el a enfatisá ku ta trata di e divishon entre iglesia i estado. “Ta mi trabou komo representante di pueblo pa defendé estado. Mi ta un persona religioso i un yu di Dios i mi sa ku Dios ta amor. Pesei tambe mi ta bisa loke mi ta bisa.”
“Mi ta konsiderá mi mes bosero di hende ku tin miedu di papia òf ku no por papia. Lo mi keda hasi esaki”, e ta bisa Ret Karibense den un reakshon. “Nos ta biba den un estado di derecho demokrátiko, no un diktadura.”
“Komo partido kristian demokrátiko mi partido PNP no por ta kontra e ‘matrimonio di homo’. Nos fundadó Doktoor (Dr. Moises Frumencio Da Costa Gomez) a lucha pa derecho di tur hende.” “Pero tin bia tambe mi ta pensa ku tin hende ku ta usa un konmoshon pa menasá mi mas aleu, duna mi miedu, nan ke pa pesei mi sera mi boka, tambe tokante otro asuntu. Tambe tokante e posishon di e minister di MFK Pietersz-Janga (ku entretantu a baha komo minister), djis pa menta algu. Texto scirbi den papiamento fonetico di Corso, cortesia di Caribisch Netwerk/ Oscar van Dam
Conocido comediante y artista Eligio Melfor a bay sosega
WILLEMSTAD – E conocido comediante y artista di Corsou Julio Constantino Hermanus miho conoci como Eligio Melfor (82)a bai sosega diasabra. Eligio tabata sufriendo un kebrante di salud ultimo tempo. E tabata porta un di e, si no ta e comediante mas conoci y respeta di e islanan di Caribe Hulandes. Algun di su obranan conoci tabata Beberin den política , Juan tres porta y Esta un curashi. Su accento y tin biaha djis su expression di cara, tabata suficiente pa pone tur hende hari. E tabata hopi usa tambe pa trece mensahenan importante, debi na su popularidad. For di momento di e anuncio di su morto, hasta na Aruba reaccionan di tristeza y condolencia a cuminsa drenta. Cu e fayecimento di Eligio, Corsou y e resto di Reino Hulandes ta perde un icono den teatro y cultura. Cu Eligio sosega na paz.
Seleccion nacional di futbol a yega Corsou pa prepara pa wega contra Panama y Argentina
WILLEMSTAD- Ayera nochi gran parti di e miembronan di selekshon nashonal di Kòrsou a yega pa asina kuminsá prepará pa e wega kontra Canada bálido pa CONCACAF Nations League.
Na Corsou un ex agente polisial a keda asesina den fin di siman
WILLEMSTAD- Diadomingo 19 di mart den oranan di mardugá, Kòrsou ta konosé su di dos kaso di asesinato p‘e aña aki. Ta trata di un èks agente polisial yu’i Kòrsou ku tabata traha den Kuerpo Polisial di St. Maarten (KPSM). Den kareda di 03.18’or di mardugá, Sentral di Polis a risibí informashon di kaso di tiramentu ku a tuma lugá na Plasa Hariri/Rotònde Palu Blanku. Un unidat polisial a keda dirigí na e sitio i na nan yegada a enkontrá un hòmber drumi abou na suela, pafó di su outo, i no ta duna señal di bida.
Conocido comerciante Cicely vd Dijs a recobra su libertad
WILLEMSTAD – Despues di a sinta su castigo den prizon SDKK pa 7 luna, conocido comerciante na Corsou Cicely vd Dijs a recobra su libertad diabierna merdia. E mester a sinta un castigo di prizon pa e tempo cu e tabata cu su ex partner ex prome minister Gerrit Schotte pa a e caso di algun aña pasa Babel, unda cu e y su ex a keda sentencia relaciona cu actonan ilicito segun corte manera falsificacion di recibo via su negoshi, y compra di aparatonan pa blokea señal electronico. Schotte a sinta su castigo te sali, y tabata pendiente un deal cu gobierno pa paga un suma miyonario, sino e tin cu bolbe sinta castigo. Mientrastanto van der Dijs a bringa su parti pero e decision final a cay na augustus aña pasa cu e tin cu sinta su castigo. Y esey a bira e caso dia 22 di augustus 2023. Net prome cu su encarcelacion e tempo ey., Noticiacla tabatin contacto cu ne den fin di siman y e la comenta pa e portal aki cu e acto aki e ta considera como inhusto. Y for di 2014 ora cu e portal aki a papia cu vd Dijs den forma di exclusividad, e la declara caba cu e no tabata confia Ministerio Publico y a duna mas detayes di su caso. E fin di siman aki e ta cuminsa su bida di nobo, como un persona liber atrobe.
Na Corsou a tira atracko na bentana di “drive thru” Mc Donald’s
WILLEMSTAD – Tabata djárason anochi mitar di diesdos, ora ku dos hòmber den outo a hasi nan pedido via di “drive thru”. Nan ta yega na e bentana pa paga, dos hende hòmber kara tapá ta baha kada un ku arma di kandela den man i apuntá esaki riba e kahera i oblig’é pa e entregá e kaha di plaka. Despues ku e kahera a intentá di sera e bentana, pero no ta logra i di e forma ei e tabata obligá di entregá e lachi di plaka. Polis a move den e área pa wak kiko nan ta logra, pero no a topa ku e atrakadónan. NOTA: Texto ta scirbi den Papiamento fonetico di Corsou.
Na Corsou, problema entre dos minister di partidonan MFK y PNP ta sigui
WILLEMSTAD - No ta konosí kiko t’e motibu, pero opviamente no por papia di un relashon sano entre ministernan Javier Silvania i Ruisandro Cijntje. Opviamente pa motibu for di salida dje gabinete aki e atakenan di Silvania a start i a kontinuá te ku awe. Ayera den Parlamento a yega un punto kulminante unda finalmente a pidi partidonan pa bai den konklave pa resolvé nan diferensianan. E dianan ku a pasa a surgi diskushon entre e dos mandatarionan riba investigashon di kalidat di gasolin. Klaramente tabata reina un ambiente di diskordia.
Follow NoticiaCla
