Hilton Aruba Caribbean Resorts ta expande cu un hala extra y remodelacion di e propiedad!

PALM BEACH – E siman aki Hilton Aruba Caribbean Resorts a anuncia cu nan ta bay expande nan hotel, completo cu un hala nobo ( tower) cu bista pa laman. Fuera di esey, nan lo upgrade e restaurantnan y barnan y remodela nan cambernan existente. Tur esaki ta inicia na luna di mei 2023 y ta termina 2 aña despues pa 2025. Nan ta sigura cu durante e periodo aki, e hotel lo keda habri y ‘sigui ricibi nan huespednan cu e servicio excepcional y hospitalidad acostumbra’. Interesante ta cu durante e periodonan di fin di aña manera  December 17, 2023 te January 7, 2024 yDecember 15, 2024 te January 5, 202 e trabounan lo para. Ademas tur trabou di construccion lo ta entre 8’or y mei di mainta pa 5’or y mei di atardi di dialuna pa diasabra y na mei y juni e trabounan lo ta entre dialuna pa diabierna. ADemas e prome dos siman di e comienso di e trabounan, esaki lo tin impacto minimal ya cu esaki lo ta pa prepara e espacio y cera e areanan necesario pa construccion. 

E TOREN NOBO Y AREANAN AFECTA

E toren nobo lo ta ubica den e parti sur di e hotel entre e Curacao Tower y e laman na unda cu e beach di volley ball Kids Club ta ubica. E areanan afecta lo ta e ‘south pool’, di e brug te cu e Curacao Tower lo ta cera cu heki. E pool nort y e seccion nort di e south pool lok kda habri. Pero cabananan A-J lo no ta disponible. Tur esnan cu tin reservacion, lo wordo acerca pa e hotel pa cu e cambionan necesario. Pa mas informacion riba e desaroyo di e expansion, por click AKI. Potret ta cortesia di Facebook di  Hilton Aruba.