Corsou ta hunga futbol contra Argentina y Messi den wega di fogeo na Argentina!

WILLEMSTAD – E seleccion nacional di futbol di Corsou ta hunca contra e seleccion nacional di Argentina, actual campeon mundial, cual wega lo tuma lugar= na Argentina!. Dia 25 di maart nan ta hunga contra Canada, y tres dia despues, 28 di maart nan ta hunga na Argentina, riba invitacion di e seleccion Argentino, pues nan ta paga tur cos pa Corsou. A compronde cu Lionel Messi tambe lo ta hungando den e partido aki. Esaki ta parti di e celebracion di Argentina cu nan a sali campeon mundial na 2022. Como parti di e celebracion, a scohe algun wega di fogeo cu algun pais y Corsou a keda invita como un di e paisnan aki. Algun pais y experto ta haya esaki algo absurdo, mirando e diferencia di nivel, mientras cu otronan ta elogia e escogencia, mirando e chens cu Corsou ta haya pa briya contra un seleccion asina grandi. Tin varios hungador cu lo reforsa e seleccion di Corsou, manera e rumanan Juninho yLeandro Bacuna, Juriën Gaari, Vurnon Anita, Cuco Martina y Eloy Room. E seleccion ta entrena pa e entrenador Remko Bicentini. Potret cortesia Dick Drayer.