Cantidad di morto di temblor na Turkia y Siria a surpasa 5100

Cantidad di morto di temblor na Turkia y Siria a surpasa 5100

Posted on 02/7/2023 10:26 am AST | Updated on 02/7/2023 10:27 am AST

ANKARA – E cantidad di morto causa pa e temblor devastador na Turkia y Siria, a surpasa 5100 persona y ta premira cu e cifra aki lo sigui aumenta mas ainda. Hopi esfuerso pa rescate ta dificil debi na e situacion instabil di e areanan afecta y e frieu cu ta haci eynan. Presidente Recep Erdogan a declara un estado di emergencia den e estadonan afecta. Paisnan rond di mundo incluyendo Merca y Hulanda a manda ekiponan di rescate. Hulanda a manda por lo menos 7 cacho, mientras cu tin un total d 71 cacho specialisa pa e trabou di rescate sea na caminda of a yega e area caba. 

 

  • Futbolista professional Dani Alves sentencia na castigo di prizon pa violacion di hende muher

    Futbolista professional Dani Alves sentencia na castigo di prizon pa violacion di hende muher

    BARCELONA – Futbolista professional Brazileño Dani Alves a keda sentencia na un castigo di prizon di 4 aña y 6 luna diahuebs. E futbolista di 40 aña a wordo haya culpable pa Corte Spañao di a viola un muher di 23 aña den un baño di un club nocturno na Barcelona na 2022.  E mester paga daño y perhuicio tambe di 150 mil euro. Alves semper a nenga cu e la viola e dama y a bisa cu tur cos cu e dama tabata cu consentimento. Alves a keda deteni aña pasa y for di e tempo ey ta cera den prizon. E ekipo Mexicano Pumas a desolve su contracto asina cu e la cay cera. Alves a hunga pa Barcelona entre 2008 y 2022 y a gana Champeons League 3 biaha.

  • Max Verstappen ta registra e tempo mas rapido riba prome dia di prueba di F1 cu su auto nobo

    Max Verstappen ta registra e tempo mas rapido riba prome dia di prueba di F1 cu su auto nobo

    SAKHIR - Max Verstappen, e coredo Hulandes di auto di careda professional di F1, a logra marca e miho tempo durante e prome dia di prueba cu su auto nobo RB20 diaranson mainta na Bahrian. Otro siman diasabra ta e prome careda oficial di e aña aki di F1. Awe tur e coredonan ta cuminsa test nan auto nobo riba e pista na Bahrain. Verstappen tabatin e miho tempo di tur, cu ta mustra di ta algo hopi positivo pa e logra e di 4 titulo mundial e aña aki.    

  • Union Europeo a kita Aruba di e lista shinishi di paraiso fiscal

    Union Europeo a kita Aruba di e lista shinishi di paraiso fiscal

    BRUSSEL - Aruba a wordo kita diamars di e lista ‘shinishi’ di Paraiso Fiscal door di Union Europeo. Corsou ainda ta aparece riba e lista. Dos biaha pa aña Union Europeo ta haci un descripcion general di e paraisonan di impuesto. Tin un lista preto riba cual p.e. Rusia y Panama ta aparece. Diamars a kita paisnan manera Bahama’s, Belize, Seychellen y Islanan Turco y Caico pasobra nan kier adapta nan sistema di impuesto.  

  • Dos compania grandi di tarheta di credito, Capital One y Discover por uni pa 35 biyon dollar

    Dos compania grandi di tarheta di credito, Capital One y Discover por uni pa 35 biyon dollar

    NEW YORK – E compania Mericano Capital One Financial a bisa diamars cu e ta bay cumpra Discover Financial Services (e tarheta di credito) pa 35 biyon dollar. Un deal cu lo uni dos di e tarhetanan di credito Mericano, y sacudi e mercado di pago, cu ta domina grandemente pa e tarhetanan Visa y Mastercard. Bou di e termino di e transaccion, doñonan di tarheta Discover por haya accionan di Capital One balora na casi 140 dolar. E deal ta uni dos companianan di tarheta di credico mas grandi, cu no ta un banco prome, manera JPMorgan Chase y Citigroup, cu e notable excepcion di American Express. 

  • Siman di prueba pa autonan di careda F1 ta cuminsa diaranson!

    Siman di prueba pa autonan di careda F1 ta cuminsa diaranson!

    BAHREIN – E temporada nobo di careda di auto professional F1, osea Formula 1, ta inicia e siman aki oficialmente. Por lo menos e testmento di e autonan nobo di cada ekipo. Esaki ta cuminsa awe caba. Tur dia e siman aki e ekiponan ta test nan autonan, pa ora cu e caredanan mes inicia oficialmente dia 2 di maart riba e mesun circuito. Antes tabata tuma lugar simanan largo di testmento di auto. E ekiponan por a haci testnan sin fin. Pero awor pa reduci gasto, e a reduci e cantidad di dia di test, na tres dia. E ganador mundial pa tres aña sigui, Max Verstappen lo usa henter mainta diaranson y diahuebs pa test su auto. E test ta dura 8 ora pa dia, interumpi pa 1 ora di break. Cada team ta core cu solamente 1 auto, cu ta pone cu tur ekipo mester reparti e auto cu ambos coredo. Ser esun mas lihe awor no ta importante y no ta un grado di midimento real. E no ta crea punto tampoco. E ta mas bien pa test e auto su abilidad y debilidad. Loke tin cu wak, ta e expression di e coredonan. Si nan ta sali contento for di e auto of no. E ekiponan ta acumula informacion (data) importante pa wak si tin ‘kinderziektes’ ainda cu nan mester drecha, prome cu e auto wordo usa oficialmente. 

  • Mama y abogadonan di Navalny nenga pa wak curpa di e lider opositorio Ruso

    Mama y abogadonan di Navalny nenga pa wak curpa di e lider opositorio Ruso

    MOSCU – E mama y e abogadonan di Aleksej Navalny a wordo nenga entrada na e mortuario unda cu e ta ubica posiblemente. Asina e vocero di e lider di oposicion Ruso a declara. A bisa nan cu e investigacion pa cu e morto a keda prolonga y pesey no por wak e curpa ainda. Siman pasa Navalny bou di circumstancia straño a fayece. 

  • Powered by SETAR