- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Gremio sindical y comercial a uni pa cuestiona tarifa halto di awa y coriente
ORANJESTAD - - Gremio comercial y sindical a colabora riba un carta pa gobierno y companianan estatal di coriente y awa. Ta 6 luna pasa cu gobierno, WEB y ELMAR a anuncia aumento drastico di tarifa di awa y coriente pa motibo di e crisis di combustibel (HFO) causa pa e guera na Ucrania. Desde cu Rusia a invadi Ucrania na Februari 2022, prijs di combustibel a aumenta y, segun gobierno, WEB a experiencia dificultad financiero.
Gremionan tabata informa cu e ahuste tabata temporario, y cu su intencion tabata pa yuda WEB recupera su situacion financiero. A priminti cu lo revisa e tarifanan den 6 luna di tempo.
Awor 6 luna a pasa y prijs di combustibel a baha bek mundialmente. Reduccion di e tarifanan di coriente y awa por trese alivio financiero pa Aruba su comunidad especialmente cu e aumento di impuesto den 2023.
Gobierno ta anuncia cu e ta revisando e situacion di tarifanan, pero te ainda no tabata transparente cu e finansas di e compania estatal WEB ni cu e criteria cu ta usa pa baha tarfifa di awa y coriente bek pa comunidad. E carta di gremio ta pidi pa transparencia y ta recorda gobierno di e peso financiero di e tarifanan halto.
E 10 gremionan cu a firma e carta ta: AHATA, ATIA, WAB, CUA, STT, SIMAR, SADA, SEPPA, ABV y FTA.
Lesa e carta AKI.
Aruba a ricibi su prome buelo di British Airways diadomingo
ORANJESTAD - E yegada di e vuelo inaugural di British Airways ta representa un era nobo pa Aruba su turismo, ya cu nos lo ta conectando directamente cu un di nos mercadonan di mas importante na Europa. Aruba ta presente den e mercado di Reino Uni desde 1997, y ta consistentemente e di dos mercado mas grandi pa Aruba den Europa.
Awe nochi ta bo chens di gana 650 mil florin cu Lotto 5
DIMP: Dia 31 di maart 2023 ta ultimo dia pa entrega ‘verzamelloonstaat’ di 2022
ORANJESTAD – Departamento di Impuesto ta recorda cu e fecha final pa entrega e lista colectivo di salario (verzamelloonstaat of VZL) y e lista colectivo di pago na tercera persona (verzamelstaat opgaaf derden of VOD) di aña 2022 ta 31 di maart 2023.
ATA: Na 2022 Soul Beach Festival tabatin impacto economico di 12.4 miyon dollar
ORANJESTAD - Na 2022 Soul Beach Festival tabatin impacto economico di 12.4 miyon dollar. Asina representantenan di Aruba Tourism Authority (ATA) a informa durante e conferencia di prensa unda cu a presenta detayes di e di 21 edicion di e festival. Manera ya a comparti den pasado, A.T.A. ta midi e impacto economico cu un evento manera esaki ta trece pa Aruba pa di e forma ey calcula con rendabel e inversion ta. Na 2022, segun ATA, Soul Beach tawata tin un impacto economico directo pa Aruba di 12.4 miyon, atrayendo 6,339 bishitante internacional cu a cumpra tickets pa e concierto. 74% di e bishitantenan aki a bin specificamente pa e concierto. E gasto averahe pa persona, pa dia tawata $427 y a conta cu un estadia averahe di 6.15 anochi.
S&P:Aruba ta mantene su cualificacion di BBB, cu panorama stabiel
WASHINGTON – Standard & Poors Ratings (S&P) a re-afirma e cualificacion (credit rating) di pais Aruba na BBB y e panorama stabiel. Esaki ta resultado di un evaluacion teni door di S&P Ratings den luna di januari na unda a papia cu varios actornan den Gobierno y sector priva.
Ta ta celebra Dia Mundial di Awa 2023 y ta observa esaki cu e tema “Acelerando Cambio”
ORANJESTAD - E dia Mundial di Awa 2023 ta enfoca riba aceleracion di cambio pa resolve e crisis di awa y sanidad na nivel global sin laga ningun hende atras. Na 2015, mundialmente a compromete na e 17 metanan mundial pa desaroyo sostenibel cu nan ta yama na Ingles “SDGs, Sustainable Development Goals,” cu ta parti di e Agenda 2030 di Nacionnan Uni. E meta SDG 6 ta implica cu tur hende lo tin siguransa di acceso na awa cu lo ta maneha na un manera sostenibel y tambe acceso na sanidad pa aña 2030. E realidad di e ponencia di meta SDG 6 ta cu tin un deficiencia den e ciclo di awa, cual ta complica y ta tranca e proceso di e avansenan pa mayoria di e retonan (global), manera salubridad, hamber na mundo, igualdad di genero den mercado laboral, educacion apropia pa industria, calamidad y paz.
Follow NoticiaCla
