Raw Modern ta bende su productonan na descuento pa recauda fondo pa Fundashon Stimami Sterilisami

Posted on 01/24/2023 10:30 am AST | Updated on 01/24/2023 10:32 am AST

ORANJESTAD  - Entrante Januari 27, 28 y 29, e tienda Raw Modern cu ta situa na L.G. Smith Blvd 388, lo tin su blowout sale bendiendo tur su productonan na descuentonan increibel pa recauda fondo pa Fundashon Stimami Sterilisami su campaña nacional di sterilisacion. Lo tin, entre otro, decoracion di cas y cushina, paña pa beach, tas, pechi y accessories pa cacho y pushi y hopi mas. E sale aki ta wordo subsidia door di Spazio Realty y 100% di e fondonan recauda durante e sale lo wordo dona na Fundashon Stimami Sterilisami y lo wordo matched Florin pa Florin door di Bucuti & Tara Beach Resort. 

“Como un persona cu ta stima cacho y pushi, e ta hopi doloroso pa wak e cantidad di animal cu ta bandona riba caya, sufri di hamber, malesa of ta wordo mata den kill cage. P’esey nos kier aporta na un organisacion cu ta haci un impacto directo y duradero pa mitiga e crecemento di e poblacion di cacho y pushi riba caya. Nos a escohe Fundacion Stimami Sterilisami door di cu nan tin hopi aña ta yuda comunidad y fundacionnan cu ta cuida bestia di caya door di subsidia e costo di sterilisacion,” Neny Henriquez, doño di Spazio Realty ta conta. 

“E board completo di Stimami Sterilisami ta sumamente agradecido y masha conmovi door di e gesto generoso aki di Neny Henriquez y ta yama henter Aruba pa bishita e tienda dia 27, 28 y 29 di Januari pa disfruta di e descuentonan increibel y yuda recauda fondo pa Stimami Sterilisami su campaña nacional di sterilisacion di cacho y pushi,” Ewald Biemans, Presidente di Fundashon Stimami Sterilisami, ta conta. “Tambe nos ta invita henter comunidad pa registra boso mascotanan riba nos website www.stimamisterilisami.com pa haci uso di nos subsidio y prijs special riba e costo di sterilisacion.”

PAKICO STERILISA BO MASCOTA

Aruba ta sufri di un problema di cantidad grandi di cacho y pushinan cu ta biba riba caya sin hogar adecua. Aunke e organisacionnan di boluntario cu ta cuida cacho y pushi di caya ta haciendo un tremendo trabou pa purba yuda e animalnan aki, sin sterilisacion e problema nunca lo wordo resolvi. Cacho y pushi ta reproduci exponencialmente, y manera un bira loops riba caya, e ciclo di abandono, hamber y malesa  ta continua (manera por wordo mira den e tabel abou).

Globalmente expertonan ta di acuerdo cu e solucion pa e problema di animalnan riba caya ta sterilisacion nacional masivo. Na Hulanda, esaki den combinacion cu e aplicacion di e leynan, a resolve e problema. P’esey sterilisacion ta e mayor enfoke di Fundashon Stimami Sterilisami y e fundacion ta subsidia parti di e costo di e procedura pa henter comunidad y otro fundacion nan. 

Adicionalmente, sterilisa un mascota ta importante pa su salud y tin varios  beneficio, como por ehempel:

-           E mascota ta bira mas resistente na hopi tipo di malesa

-           E mascota por tin un bida mas largo

-           E mascota ta bira mas loyal 

-           E ta evita bo mascota di haya puppies indesea

-           Bo ta directamente yuda desminui/mitiga e poblacion di bestia riba caya den e forma mas efectivo y compasiona (e otro alternativa lo ta manda nan Kill Cage)

  • Auditornan independiente a identifica causa di blackout recien di WEB

    Auditornan independiente a identifica causa di blackout recien di WEB

    ORANJESTAD - Auditornan independiente a identifica causa di blackout recien di WEB na Aruba. Asina minister di energia Glenbert Croes a declara diabierna. Sinembargo no a bisa kico e causa ta pasobra otro siman lo presenta esaki. Ta corda cu un siman pasa, Aruba a conoce e prome Blackout pa aña 2023. Esaki despues cu tabatin varios blackout cu a tuma luga e aña anterior. Minister Glenbert Croes  (Energia:red) a expresa cu e meta di  gobierno tabata pa haya sa kico causa e blackout y pa yega na un solucion. Den cuadro di esaki tin un ekipo di profesional internacional independiente, trahando hunto cu e profesionalnan local pa identifica e problema. 

  • Aduana a confisca carga illegal di remedi y webo blanco na Aruba

    Aduana a confisca carga illegal di remedi y webo blanco na Aruba

    ORANJESTAD- Recientemente, durante dos diferente control di Aduana, ambtenaren a constata carganan ilegal. E prome carga confisca a tuma luga riba 18 januari 2023.  E carga a contene un gran cantidad di caha di webo empaketa den caha di appel cu no wordo declara. Ta trata di webo blanco cu mester di permiso di importacion for di Directie Economische Zaken, Handel en Industrie (DEZHI).

  • HOH prome den Caribe Hulandes pa haci operacion di higra cu aparato nobo Sonopet

    HOH prome den Caribe Hulandes pa haci operacion di higra cu aparato nobo Sonopet

    ORANJESTAD - E cooperacion entre Horacio Oduber Hospital (HOH) y Universitair Medisch Centrum na Utrecht (UMC Utrecht) a drenta na vigor oficialmente prome di januari. Den cuadro di esaki a bin cu un aparato specialmente pe specialisacion di neurocirugia pero cu tambe por wordo uza pa cirugia di higra, esta un Sonopet di e compania Stryker. Ciruhano Jan Ringers tin 10 luna caba trahando na Hospital y ta custumbra cu e aparato Sonopet caba na Hulanda. Pues, ora cu tabatin un pashent pendiente pa bay afo pa kita tumor di higra ela bisa cu esaki no ta necesario ya cu a caba di haya e aparato aki na HOH. Dokter Ringers hunto cu e team di OK a haci e operacion na HOH mes cu a resulta uno exitoso y loke ta haci’e momento aki mas special ainda ta cu te prome pa Caribe Hulandes.

  • Decano di Universidad: Protesta di Sint Jago a traiciona e confiansa deposita den dje

    Decano di Universidad: Protesta di Sint Jago a traiciona e confiansa deposita den dje

    ORANJESTAD – E decano di Universidad di Aruba Ruth Bonnevalle-Kok di e facultad di Ley a reacciona desapunta riba e accion di protesta di diamars durante e bishita di Famia Real na e instituto. Asina e portal Vorsten ta raporta. Sigur si considera cu ta e ta esun cu personalmente tabata responsabel pa e presencia di e persona cu a protesta, esta Giselle Sint Jago. “Mi a invita e studiante aki personalmente pa e lectura aki y mi conoce como un  bon studiante motiva y mi sa cu e ta politicamente comprometi” Bonnevalle a bisa.  Tabata durante e lectura cu e studiante y politico Sint Jago a canta un cancion di sclavitud como protesta. E la lanta para y canta esaki y bisa cu esaki ta un protesta pasivo.

  • Movemento Indigena Arubano a entrega lista di demanda na secretario di estado Alexandra van Huffelen

    Movemento Indigena Arubano a entrega lista di demanda na secretario di estado Alexandra van Huffelen

    ORANJESTAD - Dia 30 di januari 2023 algun miembro di Conseho di Aruban Warriors a entrega unDeclaracion cu un lista di 15 demanda na Secretario di Estado sra. Alexandra van Huffelen. Segun e organisacion (MIA), parti di pueblo Arubano no ta sigui noticia riba medionan social p’esey nos ta haci uzo di prensa skirbi. Y segun representante di e grupo, Helena Croes, Telearuba lo tabatin ordo pa no cubri e noticia ni pa filma nan accion. Segun Croes, noticia di nan manifestacion a plama riba full Hulanda y tambe internacional. “Nos aliadonan indigena a publica e noticia riba nan paginanan di facebook y tiktok” Croes a sigui bisa.

  • Car Colour Aruba ta Celebra Reapertura y Lanza Marca di Verf WANDA

    Car Colour Aruba ta Celebra Reapertura y Lanza Marca di Verf WANDA

    (ADVERTORIAL)

  • Powered by SETAR