Aruba ta figura den top 5 di pakete di vakantie cu miho deal pa Mericano

MIAMI – Pa straño cu por zona pa hopi, Aruba ta wordo propaganda como un di e 5 destinacionan ‘barata’ pa biaha e temporada aki pa Mericano. E portal Yahoo Finance a haci un sondeo y a bin cu 5 destinacion cu tin dealnan barata cu bo por probecha di dje. Un investigacion di e portal a mustra cu pa average, gastonan di biahe por sali 1800 dollar pa persona pa pasashi. Pero haciendo investigacion, a resulta cu si bo busca bon, y planea bon, e ta sali bo barata. Esun di mas barata entre e 5 nan, ta Honduras cu 3858 dollar total pa un biahe all inclusive, y Puerto Rico ta esun ‘mas caro’ na 4668 dollar Mericano. Aruba ta na di 3 luga cu un gasto di 4466 dollar Mericano. Mientras ta recomenda pa biaha entre augustus y November, e ta valido tambe pa vacantie entre April y Juni di e aña aki. Entre Aruba y Honduras tin Republica Dominicana, Bahamas y Puerto Rico. E vacantie di mas caro ta pa Antartica cu un prijs di 22.719 dollar pa persona. 

E INFO

E data ta basa riba investigacion durante e ultimo 6 luna pa seguro di biahe, gasto pa transporte, hotelk, buelo y mucho mas segun Meghan Walch, director di producto pa InsureMyTrip.