Barco di Zr.Ms. Holland a gara 5 mil kilo di droga den Laman Caribe

Posted on 12/6/2022 9:27 am AST | Updated on 12/6/2022 9:27 am AST

ORANJESTAD - Un avion patruyero di Wardacosta Region Caribe Hulandes, a detecta riba laman grandi, paketenan ku probablemente droga den nan. Zr.Ms. Holland a manda su boto rapido di intercepcion hunto cu e helicopter a bordo di barco di Wardacosta Mericano, pa bai na e region pa buska e bultonan. Un total dimas o menos 5.000 kilo di droga a keda saca for di laman.

E contrabanda a keda entrega na Wardacosta Mericano y entretanto a keda destruí.

OPERACIONNAN CONTRA TRAFICO DI DROGA 

Zr.Ms. Holland for di october 2022 ta activo como barco patruyero den Region di Caribe y ta intercambia cooperacion den operacionnan contra trafiko di droga huntocu Wardacosta Mericano y tambe Wardacosta Region Caribe Hulandes. Durante e anterior tres capturanan di droga, Zr.Ms. Holland a detecta por lo menos 1.600 kilo di droga.

  • Powered by SETAR