Aeroliña sueco Sunclass Airlines ta bolbe bula pa Aruba

ORANJESTAD – E aeroliña sueco Sunclass Airlines ta bolbe bula pa Aruba. Noticiacla a raporta esaki algun tempo atras caba, pero e siman aki e portal renombra caribense Caribbean Journal ta confirma. Segun e portal, e aeroliña a cuminsa su servicio bek entre Stockholm y Aruba, citando fuentenan di aeropuerto di Aruba. E buelonan ta dos biaha pa luna riba diahuebs. Ta prome biaha cu Sunclass ta bula bek pa Aruba desde cu e pandemia a cuminsa dos aña pasa. E ruta cu e aeroliña lo bula, ta sigui te cu maart di 2023 usando avion airbus A330.