Hapon ta causa e di dos sorpresa di mundial di Qatar, y ta gana di Alemania!

DOHA – Un dia despues cu Argentina a perde su prome wega contra Saudi Arabia den un asina yama ‘upset’, of sorpresa grandi, Hapon a crea e di dos shock den e mundial di Qatar, cu un victoria riba e campeonnan mundial di 2014, esta Alemania cu score di 2-1. Hapon tabata atras 1-0 pero a bolter tur cos y bin gana finalmente cu e score conoci. Esaki ta bira pues e di dos sorpresa grandi di mundial. Pero mescos cu ayera, mester corda cu historia ta recorda cu paisnan cu a perde nan prome wega, a bin bek pa gana e mundial finalmente. Entre nan tin Spaña, den e recuerdo mas recien (2010) cu a perde nan prome wega, pa despues gana di Hulanda den final y bira campeon mundial.