Magic FM su cobertura Copa Mundial di Futbol 2022 ta continua

Magic FM su cobertura Copa Mundial di Futbol 2022 ta continua

Posted on 11/14/2022 9:00 am AST | Updated on 11/14/2022 9:01 am AST

ORANJESTAD -   Magic FM su cobertura Copa Mundial di Futbol 2022 ta continua cu lo tuma lugar na e Quatar, cuminsando 20 di November pa 18 di December 2022. Ta bay tin un total di 64 wega cu lo keda hunga durante e temporada di mundial, di cual e emisora tey cubri e gran mayoria pa nos isla. E deporte di Futbol, cu ta trese Nacionnan di mundo hunto.

Un total di 32 equipo lo bataya pa asina mira cua team ta bai cas cu e codicia copa mundial. Teamnan manera: Alemania, Argentina, Hulanda, Brasil ,Belgica, Croacia, Dinamarca, Spaña, Francia, Inglatera, Polonia, Portugal, Uruguay, Serbia, Suiza, USA, Ecuador, Senegal, Australia, Mexico, Qatar, Japon, Serbia, Morrocco, Wales, Tunisia, Cameroon, Korea, Saudi Arabia, Costa Rica, Inglatera y Ghana tambe ta kla.

INTRODUCIENDO CARANAN NOBO HUNTO CU CADOCHI KOCK

Magic FM a prepara un team di comentaristanan capasita y cu amplio experencia den e tereno di futbol cu lo duna tur e detayenan di e hungadornan y tambe e stadisticanan di e weganan, combina cu e historia di Copa Mundial kende ta e.o. Sr Cadochi Kock y e biaha aki introduciendo caranan no desconoci den e mundo di Futbol, esta Arianne Westerburger y Devin De Veer, ambos conoci como lidernan femenino actual den e mundo di futbol infantil y hubenil.

KEN TA NOS PRESENTADONAN E AÑA AKI CADOCHI KOCK

Conocido presentado cu ta cumpli 40 aña den transmission e aña aki y naracion di weganan di futbol. Despues di a presenta deporte pa hopi aña na Television, a transmiti na Radio y tin un carrera impresionante den deporte, e aña aki un biaha mas ta bay comparti su experiencia y conocimento di e mundo di futbol den e weganan mundial di QATAR 2022 un biaha mas. El a cuminsa su carera como narador aña 1982 ora cu AJAX a bin hunga hunga na ARUBA contra RCA dia 7 di januari ’82 y e no por a hunga ja cu el a kibra pia den e ultimo wega di campeonato cu tabata 15 dec 1981.

Tawata Sr Janchi Tromp e.f.m. cu a invita Cadochi pa comenta e wega RCA / AJAX hunto cune. Janchi tabata nara y Cadochi a comenta y e la cai na agrado di hopi oyente. Ela sigui comenta cu Janchi, trahando den casino y coleganan di trabou tawata bisa Cadochi pa sigui nara. Cadochi a transmiti varios wega pa Z86 tanto aki na Aruba como Korsou. Alaves a transmiti pa TELE CURACAO durante un torneo international cu Inter milan- Santos-sel di Venezuela y UNDEBA refoinforsa hunto cu Don Hector Rosario y Sol confedor.

Alaves a transmiti varios wega hunto cu Gonzalo Cuales na Tv 11 y a transmiti eliminatorio pa MUNDIAL 98 for di Baranquilla Colombia durante e wega entre Argentina y Colombia. Cadochi a transmiti for di Trinidad y Surinam na diferente ocasion. Varios aña tambe na e canal ATV, a cuminsa cu weganan di Mundial, Copa America, Copa Confederacion -Copa Europa y weganan eliminatorio. E aña aki lo ta di tres Copa Mundial cu mi ta bai nara pa MAGIC 96.5 FM. Cadochi ketobay ta mantene su m es den condicion door di ta constantemente den movecion cu futbol, ta hunga golf y ademas ta keda activo cu cana tur dia. Famoso pa canta su goalnan y nara wega den su estilo unico.

DEVIN DE VEER

Tin 28 aña di edad y a nace aki na Aruba. Ela cuminsa di chikito den landamento sincronisa desde su 9 aña di edad y cu 13 aña tawata forma parti di e team nacional di Aruba y a representa nos isla na Republica Dominicana, Corsou y Puerto Rico e.o. Devin a biba dos aña na Corsou y aya a coach Club di Synchro na Corsou.

Devin a hunga Volleyball pa seis aña largo. Apart di tin un trabou importante den e compania META CORP, su amor pa deporte ta bisto y despues di a bin bek Aruba ta envolvi cu RCA y ta lider di muchanan bou di 5 aña. E tin su licencia D como coach di futbol y a maneho di e team como miembro di board di e team di RCA y ta kedando cla cu Licencia C.

ARIANNE WESTERBURGER

Ta mama di 2 cu un amor y pasion pa e deporte futbol. Naci y biba na Aruba den e bario di Companashi. Arianne a lanta ta hasi ballet y baila den grupo di baile y canta den coro (De Trupialen) Ela cuminsa haci e deporte rey cu e edad di 12 aña pa su team RCA y a sigui hasi e deporte aki te na un edad mas adulto. El a hunga seleccion di Aruba contra entre otro Korsou, Boneiro, Colombia y USA (college team) Aparte di su trabao, Arianne a subi escenario pa prome biaha cu su 15 aña na Korsou cu e orquesta OREO. El a forma parti tambe di Zeta Band, Orquesta Delicious y awo despues di algun aña den background, ta forma parti di e banda SUONA. E amor pa futbol ta algo cu el a lanta cune biniendo for di un famia futbolistico diariamente. A yega di hunga pa Riverplate y SV Dakota y ta gradicido na e team y coaches. Na aña 2018 a ser aserca pa bai bek RCA na unda a hunga pa mas of menos 2 aña.

Awor Arianne ta forma parti di e Bestuur di RCA for di Dec 2021 como secretaria y tambe como leidster di divishon U20 y tambe ta kedando cla cu Licencia C.

NA CAMINDA PA MUNDIAL

‘NA CAMINDA PA MUNDIAL’ a cuminsa desde luna di Augustus 21 y despues lo desemboca den transmission y cobertura di e weganan mas grandi y importante cu lo cuminsa oficialmente na November 20 pa December 18, 2022. Weganan lo ta 06:00 AM – 09:00 AM 12 or di merdia y 3:00 PM y e emisora lo cubri practicamente esnan mas popular durante henter e temporada, cual ta un total di 42.

 

  • Aruba Bank ta cla pa su evento deportivo Walk & Run 2024

    Aruba Bank ta cla pa su evento deportivo Walk & Run 2024

    ORANJESTAD - Durante una conferencia di prensa na Aruba Bank, e institucion financiero a anuncia e fechanan di e evento di walk and run mas grandi, patrocina pa un banco, den nos comunidad.  E di 18 edicion di “Aruba Bank Walk & Run 2024”a wordo anuncia cu e lema “Feel The Heartbeat”, conhuntamente cu partners Subway, y IBiSA. Aruba Bank Walk & Run ta dianan 20, 21, 22 y 23 di mei.

  • Diferente scol di karate a participa na campeonado “Aruba Dushi Tera 2024”

    Diferente scol di karate a participa na campeonado “Aruba Dushi Tera 2024”

    ORANJESTAD: Riba diasabra 23 di maart ultimo, diferente “dojo” (scol di karate) a participa na e campeonato “Aruba Dushi Tera Karate 2024” organisa pa Aruba Karate Bond. Presidente di Aruba Karate Bond, “sensei” Gustavo Velazquez y directiva, ta felicita tur atleta, instructor y mayor cu tabata presente pa apoya e competencia. Igualmente ta gradici e publico cu tabata presente.

  • Hungadornan di Aruba a resalta durante e di dos ABC Beach Tennis Cup na Bonaire

    Hungadornan di Aruba a resalta durante e di dos ABC Beach Tennis Cup na Bonaire

    ORANJESTAD – Hungadornan Arubiano di beach tennis e fin di siman aki a bolbe resalta den e deporte. E di dos edicion di  Beach Tennis Cup a tuma lugar e fin di siman aki na Bonaire unda cu 80 ekipo cu 160 hungador a participa. 

  • Republica Dominicana ta gana Aruba den futbol amistoso den weekend

    Republica Dominicana ta gana Aruba den futbol amistoso den weekend

    SANTO DOMINGO – Seleccion di futbol di Republica Dominicano a gana e seleccion nacional di Aruba den un wega amistoso den fin di siman, cu score di 2-0. Awor nan ta prepara pa biaha pa Lima, Peru pa e siguiente encuentro.  E wega mientrastanto di diasabra a cuminsa 6’or di atardi, den e stadion Cibao FC, naSantiago. E golnan tabata di Michael Sambataro, na di 60 minuut di e partido, y Erick Japa na di 83 minuut di e partido.  

  • Diasabra atardi Aruba ta hunga fubol contra Republica Dominicana

    Diasabra atardi  Aruba ta hunga fubol contra Republica Dominicana

    SANTO DOMINGO – Seleccion di futbol di Aruba ta hunga  contra Republica Dominicano diasabra awor. Esaki ta pa preparacion pa e Liga di Nacionan di Confederacion CONCACAF, den e liga B. Mayan diasabra 23 dimaart, Aruba ta hunga den stadion los Cibao FC, na Santiago de los Caballeros y dia 26 nan ta hunga atrobe pero contra Peru, den e capital Lima.  

  • Coredo di F1 Carlos Sainz ausente na Grand Prix Arabia Saudita e weekend aki

    Coredo di F1 Carlos Sainz ausente na Grand Prix Arabia Saudita e weekend aki

    ABU DHABI – Coredo di auto di careda Spaño Carlos Sainz no ta participa na e Grand Prix di Arabia Saudita e fin di siman aki. E tin cu opera appendicitis. E lo keda reemplaza cu e reserva Oliver Bearman cerca Scuderia Ferrari. Siman pasa Ferrari tabata bon den e careda y tabata spera mesun cos e fin di siman aki. Bearman ta un prospecto nobato. 

  • Powered by SETAR