Sevinger: Abogado di bufete cu laso cu partido MEP a traha deal pa tereno pa Deshaun NV

ORANJESTAD – Durante e caso di Avestruz dialuna, ex mandatario Benny Sevinger a cuestiona e proceso di tereno, unda cu e persona A. Lin cu tabata esun cu tabata regla e proceso di e tereno pa Arends, a usa e abogado A. Ruiz. Segun Sevinger, esaki ta algo remarcabel, cu ta usa e mesun abogado di bufete na cual actual prome minister Wever (MEP) ta forma parti pa cual segun Sevinger, e bufete lo a cobra 80 mil florin. Y cu basa riba declaracion di e sospechoso Arends, ta e abogado a ‘fix tur cos’, cu awor ta resulta di no tabata corecto, hincando e sospechoso Arends den problema. Pa Sevinger, e ta considera esaki como un trampa di partido MEP, siendo cu ta e mesun bufete di abogado ta esunan cu a entrega e keho pa dos ex parlamentario cu awe ta minister.