Prijs di gasoline ta baha cu mas di 13 cent diaranson awor

ORANJESTAD - Minister di Asuntonan Economico Geoffrey Wever a anuncia e prijsnan nobo di benta di combustibel entrante 12 di oktober 2022, unda cu por nota cu atrobe e prijsnan ta baha. Di otro banda, e la alerta cu tin cu cuminsa prepara pa aumento di tarifa atrobe proximamente, mirando e tendencia internacional, y cu Aruba no por haci nada riba esey. E la relata tambe di e noticia cu OPEC (Organisation of Petroleum Exporting Countries), a anuncia cu nan ta corta produccion di petrolio cu 2 miyon bari. OPEC ta consisti di 13 pais internacional cu ta produci y exporta petrolio, y a wordo crea na 1960 pa tin un miho control di e producto petrolero. 

Gasoline unleaded-premium                 : 254,9 cen p/ltr. (-  13,1 cen)

Diesel LS                               : 259,4 cen p/ltr. (-  10,5 cen)

Kerosin                                 : 240,1 cen p/ltr. (-    7,4 cen)

E prijsnan ta inclui BBO/BAZV/BAVP