Elmar: Consumo di coriente na September 2022 a kibra record na Aruba!

ORANJESTAD - E consumo di energia (coriente) na Aruba durante september 2022 tabata un record nunca bisto. Asina e compania di electricidad na Aruba a informa diabierna. Segun e compania, tur aña durante e luna di september e consumo di energia na Aruba ta yega su peak di aña. Nan ta sigui bisa cu e factornan cu ta conduci na esaki ta entre otro e calor excesivo cu ta causa cu e compressor di aircondition su consumo di energia ta aumenta pa asina por regula y yega na e temperatura desea cu normalmente e usuario ta custuma cune, y un duracion mas largo di uzo di aircondition pa alivia di e calor, cu ta contribui na un consumo di coriente mas halto. Elmar a pidi tambe tur hende pa ta mas consciente cu consumo di coriente. “Tuma un momento tur dia pa paga aparatonan cu no ta den uzo of no mester ta cendi”.