Van Huffelen: Dia 21 di oktober RMR ta dicidi riba aanwijzing pa Aruba

Van Huffelen: Dia 21 di oktober RMR ta dicidi riba aanwijzing pa Aruba

Posted on 09/30/2022 9:47 am AST | Updated on 09/30/2022 4:21 pm AST

DEN HAAG – Conseho di minister di Reino dia 21 di oktober ta dicidi riba e asunto di aanwijzing pa Aruba. Awe diabierna mainta durante un conferencia di prensa entre secretario di estado Hulandes Alexandra van Huffelen y prensa di Aruba e pregunta a bin, y e mandatario Hulandes a confirma cu e la ricibi e zienswijze (e splicacion/defensa di gobierno di Aruba contra e aanwijzing. “Nos tin cu reacciona eyriba y esey nos lo haci den e RMR di dia 21 di oktober, manera cos ta mustra aworaki” e mandatario a bisa. “E ora nos lo contesta esey”. 

COMBERSACIONAN

E portal aki a compronde cu mientrastanto tras di cortina tin combersacionan andando entre gobierno di Aruba y e mandatario Hulandes y cu e combersacionan aki por ta determinante si e conseho final ainda ta bira cu Aruba ta haya un aanwijzing of no. Aruba ta purbando di convence Hulanda cu nan no tin motibo di haya un aanwijzing, mientras cu e colegio di supervision financiero pa Aruba CAFt ta haya cu Aruba a falta suficientemente cu cumplimento cu no ta keda nada mas di usa e medio mas severo pa forza Aruba drecha (den e caso aki) e presupuesto di pais Aruba di 2022. 

CONSECUENCIA SI ARUBA NO HAYA AANWIJZING

Tin tambe e discusion kico ta pasa si Aruba no haya un aanwijzng finalmente, y cu e logra convence Hulanda (RMR) di esaki. Ta papia primordialmente riba e derecho di existencia di e colegio, si RMR no sigui e conseho di nan. Hopi ta pensa cu si RMR no duna Aruba un aanwijzing, esaki ta un ‘brevet van onvermogen’ pa CAFt, y cu no ta tuma nan na serio pa cual nan por bien entrega nan funcion bek na gobierno Hulandes, cu ta nan ‘opdrachtgever.

  • Prinses Amalia ta celebra su 19 aña cera den cas debi na menasa

    Prinses Amalia ta celebra su 19 aña cera den cas debi na menasa

    AMSTERDAM - Prinses Amalia, e yiu mayor di Rey Willem Alexander ta cumpli 19 aña awe. Pero debi na menasa contra dje, e lo no por celebra esaki otro cu den su cas cu famia. Desde e aña aki Amalia ta studia na Universidad di Amsterdam, pero ta sigui su lesnan via computer na cas. E ta studia Politica, Psicologia, Ley y Economia. Tabata intencion pa Amalia biba na scol manera tur studiante regular, pero na October esaki a cambia y a nifica cu e mester a bay cas bek y sigui su estudio desde eynan. 

  • Invitadonan politico, diplomatico y comercial a atende recepcion di introduccion di minister Thijsen na Hulanda

    Invitadonan politico, diplomatico y comercial a atende recepcion di introduccion di minister Thijsen na Hulanda

    DEN HAAG  – Na Marriott hotel a tuma lugar un recepcion di Gobierno di Aruba pa oficialmente introduci mr. Juan (Ady) Thijsen como Minister Plenipotenciario di Aruba na Hulanda. Un recepcion atendi pa invitadonan for di e mundo poltitico, diplomatico y comerciante di Hulanda.  

  • Wever a bolbe reuni cu van Huffelen na Hulanda despues cu siman pasa a topa na Aruba

    Wever a bolbe reuni cu van Huffelen na Hulanda despues cu siman pasa a topa na Aruba

    DEN HAAG – Un siman despues cu secretario di estado hulandes Alexandra van Huffelen a topa premier Evelyn Wever na Aruba, e la topa Wever atrobe awe diaranson, pero e biaha aki na Hulanda. Si e reunion aki realmente tabata necesario, no ta conoci pero ta mustra mas bien un momento pa saca potret, envez di realmente yega na algo concreto. Mucho cos diferente no a papia, y por considera e reunion mas bien como un encuentro social pa tene e relacionan habri pues. Esaki pasobra Hulanda a bisa caba cu ainda no ta bay papia riba yuda Aruba sino mas bien den curso di 2023. Gobierno di Aruba di su banda, ta sigura cu e tema principal (atrobe) tabata finanzas, pero esey a keda trata siman pasa caba na Aruba.  

  • Corte ta prohibi tiramento riba lobo cu pistol di pintura

    Corte ta prohibi tiramento riba lobo cu pistol di pintura

    GELDERLAND – Cuidadanonan di e provincia hulandes Gelderlan por lo pronto no por tira riba lobo (wolf) cu e asina yama ‘paintball gun’ osea pistol cu bala di pintura, pa spanta nan. Asina hues a dicta den un corte hulandes. E provincial a permiti e arma anteriormente, pasobra tabata haya e lobonan mucho manso y cu e susto, lo por a spanta e lobonan y evita cu nan yega cerca di hende.  E problema ta cu no a substancia e motibo pa tira e lobonan, suficientemente. Hues a determina cu un lobo ta un animal protehi. Ademas no por a proba cu e uso di e arma menciona, lo a yuda e meta. 

  • Premier Wever a reuni cu premier Rutte na Hulanda

    Premier Wever a reuni cu premier Rutte na Hulanda

    ORANJESTAD - Premier Evelyn Wever a reuni cu premier hulandes Mark Rutte na Hulanda diamars. Mientras cu e mandatario ta sigura cu e tabata un bon reunion, nada concreto no a sali di e reunion. E tabata mas bien un oportunidad pa personalmente papia cu otro unda cu Aruba ta brief e mandatario hulandes en persona (un biaha mas) riba e situacion di Aruba. 

  • Subsidio pa sosten na studiantenan di Caribe y starter riba mercado laboral

       Subsidio pa sosten na studiantenan di Caribe y starter riba mercado laboral

    ORANJESTAD - Te cu 2027 e fundacion WeConnect ta haña subsidio anualmente pa e sosten na studiantenan Caribense y personanan cu ta cuminsa riba mercado laboral (starter). Na 2023 ta trata di un montante alrededor di 200.000 euro. Hulanda ta pone e montante aki na disposicion via e ministerio di Asuntonan Interior y Relacionnan den Reino, pa asina asisti studiantenan y starter pa cuminsa riba mercado laboral den parti Caribense di Reino despues cu nan a finalisa nan estudio. Esaki ta necesario pa motibo cu tin un necesidad grandi pa profecionalnan na e islanan. 

  • Powered by SETAR