ATA a organisa conferencia di Dia Mundial di Turismo

Posted on 09/28/2022 9:16 am AST | Updated on 09/28/2022 9:17 am AST

ORANJESTAD - Dia Mundial di Turismo ta wordo celebra riba 27 di september tur aña y en conexion cu esaki, A.T.A. a organisa su conferencia anual un biaha mas, e biaha aki den persona, den presencia di mas di 300 persona, despues di 2 aña cu el a ser efectua den forma virtual. 

Dia Mundial di Turismo ta un ocasion special unda Aruba Tourism Authority ta tuma e oportunidad pa conscientisa comunidad riba e importancia di e industria pa nos pais y celebra e individuonan cu ta traha den turismo.

‘Rethinking tourism’, ta e tema cu Organisacion Mundial di Turismo a scoge e aña aki, considerando cu e sector ta recuperando mundialmente y mester bay anilisa den ki direccion kier bay como destino turistico. 

E conferencia a conta cu presencia di varios miembro di Parlamento di Aruba, Minister President, Minister di Turismo y Salud Publico y Minister di Educacion y Deporte como tambe miembronan di Hunta di directiva di A.T.A., CEO di AHATA, CEO di AAA, CEO di APA, Presidente di ATSA y socionan den e industria. Adicionalmente, e conferencia tawata e sesion di apertura oficial pa e Conferencia di ‘Aruba Meets Europe’, cu a trece tur socio clave y hopi nobo na nos isla e siman aki, pa cual A.T.A. tin un programa completo prepara pa nan. Manera custumber studiantenan di e unidad di Hospitalidad di EPI y di e facultad di Turismo di Universidad di Aruba tambe tawata presente. Tur acompaña pa e ekipo di A.T.A. Aruba. Edjean Semeleer a fungi como Maestro di Ceremonia y a deleita e participantenan cu musica di Aruba, acompaña pa Chris Kross. Mester bisa cu durante di e dia di celebracion, A.T.A. a dedica atencion separa na e industria di turismo crucero pa medio di otro edicion di “Cruise Symposium Aruba” cual a tuma lugar despues di e celebracion ariba menciona. 

Durante e transcurso di e mainta Minister Oduber y Ronella Croes CEO di A.T.A. a hiba palabra, sigui pa Max Pinas y Julius van Leeuwen di ‘DEPT Agency’, un di e agencianan internacional cu A.T.A. ta traha cu n’e. Bunita pa menciona ta cu Max a nace na Aruba y Julius a crece kinan, pues ambos tin un conexion cu nos isla, y pesey mes a wordo scogi pa comparti nan expertisio y inspira. 

Como parti di su presentacion, Ronella a menciona cu un di e elementonan cu mas a resalta durante e pandemia como tambe den periodo di recuperacion ta e resiliencia cu nos tin como un nacion. Esaki ta un elemento di Aruba su DNA y esaki tawata e compas cu a guia nos durante e crisis. Nos recuperacion tawata posibel a traves di e resiliencia ey combina cu trabao duro y esfuerso di socionan den sector publico y sector priva y sigur tambe e apoyo di nos comunidad.

  • Botica di Servicio y FTA a cera nan di dos CAO

    Botica di Servicio y FTA a cera nan di dos CAO

    ORANJESTAD - Awe merdia Federacion di Trahadornan di Aruba (FTA) y Boticanan di Servicio a firma nan di dos contrato colectivo di trabao (CAO). Den e acuerdo aki e enfoke principal tawata fortificacion di e poder di compra di e empleado, cual a resulta den tanto un aumento porcentual di salario pa e duracion di e acuerdo como tambe un ahuste na e structura di salario, ampliando esaki pa asina tin mas espacio pa crece. Ademas a acorda un aumento anual di e bonus di fin di aña como tambe e dianan di vakantie. E CAO tin un duracion di 4 aña.

  • Hyro Oduber a gana competencia di “plane spotting” na Aeropuerto

    Hyro Oduber a gana competencia di “plane spotting” na Aeropuerto

    ORANJESTAD – Recientemente   Aruba Airport Authority N.V. (AAA)  a organisa su di tres “Spotter’s Day”. Desde 2018, Aeropuerto di Aruba a reconoce cu tin un interes grandi pa “plane spotting” na nos isla. Mas y mas spotter ta ‘tag’ Aeropuerto di Aruba den nan potret y pa e motibo ey, na 2018, a tuma luga e prome “Spotter’s Day”. Debi na e interes grandi ricibi, a dicidi cu “Spotter’s Day” lo bira un evento anual pa Aeropuerto di Aruba. Despues di dos aña ausente, e aña ‘ki a invita tur spotters pa asina aplica pa participa na Spotters Day. 

  • Ex-gerente di CHTA Education Foundation a haci presentacion na varios supervisor den turismo

    Ex-gerente di CHTA Education Foundation a haci presentacion na varios supervisor den turismo

    ORANJESTAD -  E asosacion conoci como Aruba Timeshare Association (ASA) su iniciativa di entrenamiento rond e isla, presenta pa CHTA Education Foundation, a haya un   sorpresa riba recientemente ora cu pa medio di Tom Pas cu a pasa un rato pa combersa cu e 24 supervisornan. Pas tabata gerente di Education Foundation entre 2002 cu 2013 y ta pasiona riba su desaroyo personal y yuda otro hende haya un chens pa mehora nan bida profesional.

  • Encuesta di noticiacla tabata dividi riba ley di matrimonio di mesun sexo pa Aruba

    Encuesta di noticiacla tabata dividi riba ley di matrimonio di mesun sexo pa Aruba

    ORANJESTAD – Segun e ultimo encuesta di Noticiacla na luna di augustus di e aña aki, Aruba tabata dividi riba e tema di matrimonio di mesun sexo. Por lo menos entre e 850 personanan cu a participa den e encuesta. Y entre esnan cu tabata pro pa cambia e ley pa permiti matrimonio di mesun sexo, e grupo mas grandi tabata kier pa esaki sosode pa medio di un referendum. Interesante ta cu den e encuesta aki, e participacion di hende muher tabata mas cu e ser masculino, reparti 54% contra 46%. Un 1% tabata registra como ‘otro’. 

  • Autor Evert Bongers a presenta su buki mas nobo na Biblioteca di Aruba

    Autor Evert Bongers a presenta su buki mas nobo na Biblioteca di Aruba

    ORANJESTAD - Evert Bongers, autor di varios publicacion tocante historia di Aruba manera e.o. ‘Augustus scur’ y ‘De kolibrie op de rots: En meer over de geschiedenis van Aruba’ a publica awor su buki titula ‘Goudkoorts! En meer over de geschiedenis van Aruba’. Directora di Biblioteca Nacional Aruba a ricibi algun ehemplar for di sr. Evert Bongers pa e coleccion nacional como tambe e coleccion di biblioteca publico. Pronto por consulta of lesa e buki aki na biblioteca. 

  • Aruba a observa Dia Internacional di Persona cu Limitacion 2022

    Aruba a observa Dia Internacional di Persona cu Limitacion 2022

    ORANJESTAD - Diasabra 3 di december ultimo tabata e dia special rond mundo pa pone atencion na e Persona cu Limitacion. E aña aki atrobe Departamento di Asunto Social a para keto riba e dia pa reflexiona riba e bida di e persona cu ta biba cu un limitacion na Aruba. E tema di Nacionnan Uni pa 2022 ta “Solucionnan transformativo pa desaroyo incluso: E rol di innovacion pa fomenta un mundo accesibel y husto           (Transformative solutions for inclusive development: The role of innovation in fueling an accessible and equitable world) ”.   

  • Powered by SETAR