Musica ta haci cambio grandi pa Aruba Caiso & Soca Monarch

Posted on 09/21/2022 2:31 pm AST | Updated on 09/21/2022 2:32 pm AST

ORANJESTAD - Stichting Musica a informa diaranson cu nan ta den pleno preparacion  trahando cu hopi entusiasmo riba nos Festival 2023. Durante reunion exitoso cu lidernan di bandanan, sponsornan y Smac, a palabra e cambionan cu ta wordu introduci pa e siguiente temporada di Carnaval 69.

Preparacionnan a cuminsa pa un tempo caba y Stichting Musica ta hopi satisfecho di por anuncia cu e Aruba Caiso & Soca Monarch lo cuminsa den luna di November cu e finalnan lo ta na fin di januari 2023. 

CAMBIO

Un cambio cu lo tuma lugar ta cu Caiso  Soca lo drenta den nos barionan. Den luna di november respectivamente 12, 19 y 26 lo tuma luga e prefinalnan cu lo keda presenta den Centro di Bario Dakota, Centro di Bario Playa Pabao y Centro di Bario Brasil. Esaki ta encera cu nos musiconan ya caba ta preparando pa competi den e barionan den proximo luna di November, dunando amplio espacio pa cada produccion resona y biba den pueblo.

SUPER FINAL

Na januari 2023 lo continua cu e musica y e ambiente di Caiso y Soca finals. Aruba Caiso & Soca Monarch finals lo tuma luga luga diabierna 27 di januari y e gran competencia final di “Super Soca Saturday” lo ta diasabra 28 di januari, 2023.

CONFERENCIA DI PRENSA

MUSICA a informa tambe cu nan ta sumamente entusiasma pa nan rueda di prensa oficial unda Stichting Musica lo informa tur e detayes nan di Aruba Caiso & Soca Monarch. Cu esaki Stichting Musica ta informa nos dushi pueblo tur desaroyo nan relata na e festival di mas grandi di Aruba.

  • Powered by SETAR