Gobierno: Lo trata Covid19 como cualkier otro malesa entrante awe

ORANJESTAD – Gobierno di Aruba a anuncia dialuna mainta cu Aruba ta ‘de escala’ di e situacion di crisis di Covid19 y ta bay den e fase di ‘rehabilitacion’. Esaki kier men cu no ta considera e situacion como un crisis ya cu e cifranan no ta alarmante mas y ta considera Covid19 awor como cualkier otro malesa. Esey kier men cu no ta bay usa e leynan di calamidad mas y no ta bay eherce control manera cu tabata haci. Siman pasa caba a anuncia cu no tabata bay anuncia e cifranan semanal manera a tuma lugar pa 2 aña largo. 

PREOCUPACION 

Ta keda un preocupacion pa loke ta e parti socio economico y tambe e problema di salud mental. Ambos situacionan ta causa pa e pandemia y e ta afectando Aruba seriamente ainda segun prome minister di Aruba Evelyn Wever Croes.