Ex parlamentario y actual polis ta gana su caso den corte

ORANJESTAD – Ex parlamentario y polis di profesion Clarisca Velazquez a gana su caso den corte cu ta nifica cu gobierno mester pone bek na su rango original y cu pago corespondiente. Asina corte di Lar a dicta awe dialuna. E ta trata un caso di 2020, unda cu a suspende e polis, bahe di rango y salario pa motibo di un serie di acusacion contra dje. Tur e acusacionan a keda revoca y e obhecion contra esaki pa e polis, a keda funda. Asina e huez a dicta. 

E CAS

E caso ta data for di 2020, unda cu e polis a haye envolvi den un serie di actividad durante e periodo di pandemia. Entre e acusacionan, e lo a viola varios regla di Covid19, organisa un fiesta illegal, actua malo contra su superiornan y entrega un denuncia falso contra su superiornan pa e loke supuestamente e lo a comete. Por corda con e la bira noticia ora cu a haye den un camber di hotel durante pandemia, unda cu a keha cu e la organisa y of tabata parti di un fiesta illegal durante e periodo di Covid19 unda cu no tabata permiti esey. Mirando cu ta trata di un ex parlamentario, e noticia a haya hopi atencion den media. A suspende e polis y bahe di rango y tambe di pago. Despues cu e la perde su caso inicial di suspension, e la sigui bringa y despues a logra vence e parti ey. Pero su rango y pago si a keda vigente. Como tal e aña aki a demanda Gobernador di Aruba (pasobra segun su abogado a splica NoticiaCla, ta e Gobernador a firma e landsbesluit). Awe huez a dicta na su fabor, cu ta nifica cu Velazquez ta haya su funcion bek y salario corespondiente. Lesa e veredicto AKI.