ORANJESTAD – Diasabra den un anochi di gala na Renaissance Convention Center a tuma luga entrega di e premio Excelencia den Deporte, unda ta reconoce e atletanan cu mas a destaca den nan deporte durante aña 2019 y 2021. Un anochi di emocion y alegria a duna honor na e 141 atleta nomina como tambe na e 10 baluartenan deportivo. E anochi a inicia cu discurso di Prome Minister di Aruba sra, Evelyn – Wever Croes sigui pa Presidente di Comision Excelencia den Deporte, sr. Kenneth Vrolijk y Minister di Enseñansa y Deporte sr. Endy Croes. Despues e ceremonia di entregamento di premio a inicia, sigui pa reconocemento special pa e baluartenan y e ganadonan di aña 2021. Mandatarionan y dirigentenan deportivo a haci entrega di e premionan E anochi a clausura cu un sorpresa pa tur esnan presente den sala cu e banda Tsunami.
Ganadonan di aña 2019:
Special Olympics
Yolanda Minerva Perez
Atleta Paralimpico
Elliott Loonstra
Categoria 1 Femenino 10-13 aña
Elisabeth Sotelo Aruba Triathlon Association
Categoria 2 Masculino 10-13 aña
Gavin Kock Aruba Aquatics Federation
Categoria 3 Femenino 14-17 aña
Rebecca Jansen Aruba Triathlon Association
Categoria 4 Masculino 14-17 aña
Giannon Eights Aruba Triathlon Association
Categoria 5 Nobato Deportivo Femenino
Nathalie Ferrer Aruba Triathlon Association
Categoria 6 Nobato Deportivo Masculino
Myron Speyer Functional Fitness Federation Aruba
Categoria 7 Atleta Femenino 2019
Kyra Hoevertsz Aruba Aquatics Federation
Categoria 8 Atleta Masculino 2019
Mack van den Eerenbeemt Aruba Sailing Association
Ganadonan 2021:
Atleta Special Olympics
Angel Diaz
Atleta Paralympico
Elliott Loonstra
Scol Basico di aña 2021
Colegio Sagrado Curosan
Scol Avansa di aña 2021
Maria College
Categoria 1 Atleta Femenino 10-13 aña
Genisis Lacle Aruba Aquatics Federation
Categoria 2 Atleta Masculino 10-13 aña
Dylan Giel Aruba Triathlon Association
Categoria 3 Femenino 14-17 aña
Rebecca Jansen Aruba Triathlon Assocition
Categoria 4 Masculino 14-17 aña
Christiaan Jansen Aruba Triathlon Association
Categoria 5 Nobato Deportivo Femenino
Noemie Erasmus Aruba Aquatics Federation
Categoria 6 Nobato Deportivo Masculino
Jeon Alric De Sousa Fernandes Perna
Aruba Triathlon Association
Categoria 7 Atleta Femenino 2021
Shanayah Howell - Aruba Wieler Bond
Categoria 8 Atleta Masculino 2021
Mikel Schreuders Aruba Aquatics Federation
Categoria 9 Team di aña 2021
U-14 Damas Arubaanse Voetball Bond
ORANJESTAD – E keeper internacional, e Arubiano Jean Marc Antersijn ta considera e yamada di Patrick Kluivert (otro futbolista internacional renombra) pa e hunga pa e seleccion di Corsou como un di su momentonan mas grandi di su carera. Durante e programa Noticiacla LIVE diahuebs anochi, e la comparti cu periodista y moderador Tito Laclé, e momento aki cu e la experencia algun aña atras. Pa wak e programa completo, click AKI.
ORANJESTAD – Cu e ultimo prestacion di e conocido coredor di Aruba Lana Gobert na e Tokio Marathon, e cantidad di Arubiano riba a muraya mundial di fama di Marathon mundial ta aumenta na 3. E otro dosnan ta e conocido Michel la Haye y Wilfredo Ras. E siman aki Gobert a comparti e logro aki riba us pagina, cu awor su nomber tambe ta aparece entre e grandinan cu a participa na tur e 6 marathonan mundial conoci cu ta e marathonnan di New York, Boston , Berlin, Chicago, London y Tokyo. E aña aki Gobert a logra e ultimo marathon aki pa completa e circulo di 6 marathon mayor. Hunto cu esaki, e ta bira e prome coredor femenino representando Aruba den e asina yama Abbott Major Marathon 6 star series!
MIAMI/ ORANJESTAD – Pa prome biaha den historia, Aruba ta co-anfitrion di e torneo Damas U15 di Concacaf. Asina a keda anuncia na Miami diahuebs ultimo. E weganan lo tuma lugar entre 5 y 11 di augustus 2024. Aruba lo ta anfitrion di e liga C, Trinidad Liga B y Costa Rica A. Un total di 35 pais miembro a informa cu nan ta interesa pa participa den e weganan aki. Tur tres liga lo inclui un parti di grupo y un parti di knockout y corona su campeon. E cantidad di ekipo pa liga lo keda deterina basa riba e ranking di Concacaf Woman’s U-17 Ranking di maart 2024 y e number final di participante.
MILAN – E ekipo di futbol professional Italiano Inter a gana su di 20 titulo di campeon di Italia, despues di a gana e final contra AC Milan dialuna atardi cu score di 2-1. Denzel Dumfries, e orguyo di Aruba a drenta den 7 minuut prome cu final di e partido , pero a keda expulsa algun minuut despues cu carchi cora na final pa un bringamento cu un hungador di AC Milan Hernandez cu a provok’e. Un asunto cu tabata canando caba. Cu e victoria aki, inter por pone un di dos strea riba nan uniform den e proximo temporada. AC Milan tin uno.
MILAN – E ekiponan rival Italiano AC Milan y Internazionale ta topa otro pa e titulo nacional. Interesante pa Aruba ta cu e ‘Arubiano’ Denzel Dumfries ta figura den e hungadornan pa e seleccion di Inter. E ekiponan ta rivalnan grandi di otro. Mientras cu Inter ta e faborito, 46% chens pa gana epartido, un victoria no ta sin mas. Milan lo haci tur cos pa daña e ‘fiesta’ di Inter. E hecho cu Inter a gana Milan 5-1 tempran den e temporada aki, no ta nifica nada pa e wega di awe nochi, segun comentarista italiano di futbol. E wega ta cuminsa pa 2:45pm ora di Aruba.
ATLANTA — E pelotero professional di Aruba Chadwick Tromp ta hayando mencion tras di mencion pa su prestacion actualmente den e ekipo di Atlanta Bravez. E siman aki tabatin un otro raportahe riba su prestacion, unda cu varios punto di Tromp ta resalta. Entre nan, su abilidad pa conecta cu pitchernan di su ekipo, e determinacion pa traha duro, e disciplina y su forma di ta. Y e prestacion actual pa e temporada aki unda cu e la habri 6 wega caba como e catcher principal pa e ekipo, ta wordo considera como remarkable.