Banco Central Europeo a aumenta tasa di interes drasticamente

BRUSELAS – Banco Central di Europa a aumenta e tasa di interes den un tiro cu mitar porcentahe, cu ta mas cu loke a wordo anuncia anteriormente. E aumento di interes, e prome desde 2011, ta nifica un fin na 8 aña di periodo di interes negativo. ECB cu e aumento drastico di tasa di interes ta pa evita e inflacion halto. Pa loke ta e aumento, e cambio ta uno fuera di lo comun. Un tipo di medida asina di un mitar punto di percentahe tabata comun durante un crisis financiero entre 2008-2009 y ora cu tabatin e dot.com crisis na 2001. E aumento di tasa di interes ta conta pa tur tres tarifa basico di Banco Central. E interes pa facilidad di deposito ta bay di -0.5% pa 0%. E interes cu banconan ta paga na Banco Central ora cu nan saca placa, ta bay di 0% pa 0.5% y e interes di prestamo ta bay di 0.25% pa 0.75%.