Wardacosta a touw botonan den awa territorial di Aruba

Wardacosta a touw botonan den awa territorial di Aruba

Posted on 06/21/2022 10:08 am AST | Updated on 06/21/2022 10:09 am AST

ORANJESTAD – Recientemente Centro di Rescate y Cordinacion di Wardacosta a risibi un notificacion via VHF canal 16, di un boto ku tawata tin problema. E capitan a notifica ku su boto di piscado tawata tin problema y ku e no por a sigui nabega. RCC mes ora a informa steunpunt Aruba, ya asina por a sali un Metal Shark, ku a bai na localidat di e boto Mishaili.

Una bes ku a yega na e localidat di e boto, e boto patruyero Metal Shark di Wardacosta a touw e boto y a nabega den direccion di Pir na Bali, caminda Mishaili por a mara ku siguridat. Na yegada na Pir na Bali e agentenan di Wardacosta a eherse un control rutinario riba e boto di piscado.

Tambe RCC a risibi un notificacion di e boto piscado Joandra, ku tawata tin problema ku su baterianan. Un Metal Shark a bai nabega banda di Joandra y a touw esaki y nabega den direccion di Spaanslagoen Rancho Carion. Na yegada na Rancho Carion e agentenan di Wardacosta a eherse un control rutinario riba e boto di piscado.

Wardacosta ta avisa don?onan di boto pa hasi mantencion regular na nan botonan. Pa nan propio seguridat na bordo mester tin: sufisiente chaleco di salbabida, un flashlight ku bateria y un pitu, un EHBO kit, sufisiente awa, aparato pa paga candela, VHF radio of un cellular full di charge. Evita e chens di un accidente of situacion peligroso riba lama kubo boto of seadoo. Den caso kubo mester di yudansa bo por yama Wardacosta riba 913 of e whatsapp number 005999 510 0913.  

  • KPA: Pa motibo di mal tempo acercando Aruba, departamento rijbewijs ta cera

    KPA: Pa motibo di mal tempo acercando Aruba, departamento rijbewijs ta cera

    MACUARIMA - Departamento di Rijbewijs lo ta cera diaranson 29 juni, diahuebs 30 juni y diabierna 01 july 2022 enconexion cu e mal tempo cu lo pasa cerca di di nos isla. Entrante 05 juli 2022 tur cliente lo wordo notifica di nan fecha nobo pa cu nan cita nan.

  • Wardacosta: No subi laman y tuma media di precaushon relaciona cu codigo oraño

    Wardacosta: No subi laman y tuma media di precaushon relaciona cu codigo oraño

    ORANJESTAD – Wardacosta di Aruba diamars atardi a alerta tur usuario di lama, en especial  tur propietario di botonan chikito, botonan piscado, botonan di placer, seadoo y otro deportistanan aquatico relaciona cu e hecho cu Servicio Meteorologico awe a sacka un anuncio di ‘codigo oran?o’ pa e isla di Aruba.

  • Polis a haci entrada hudicial na Weg Rooi Hundo y detene bendedo di droga

    Polis a haci entrada hudicial na Weg Rooi Hundo y detene bendedo di droga

    ORANJESTAD - En conexion cu un investigacion  andando un ekipo special di polis, Project Team Drugspanden a haci entrada hudicial na un cas na Weg Rooi Hundo. Aki a detene un hende homber di inicialnan: J.O.W. naci na Aruba di 36 aña pa bendemento di droga for di e percela menciona. Durante razzia a confisca un cantidad di droga entre otro cocaina y piedra (Base). Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nan ta pidi si bo tin cualkier informacion yama nos tiplijn di Polis cu ta: 11141. Nan ta garantisa cu bo ta keda anonimo pa bendemento di droga.

  • Zr.Ms. Groningen a gara boto panort di Aruba cu 300 kilo di cocaina

    Zr.Ms. Groningen a gara boto  panort di Aruba cu 300 kilo di cocaina

    ORANJESTAD - E barco di Marina Hulandes Zr.Ms. Groningen riba 24 di Mei a detektá un transporte di droga. Den Laman Karibe e barku patruyero a sabi di detené un ‘go-fast’ i detektá un kargamentu di 300 kilo di kokaina.

  • KPA: Training di team di aresto a termina cu exito

    KPA: Training di team di aresto a termina cu exito

    MACUARIMA - Aruba un biaha mas tabata anfitrion pa un traning pisa pa recluta miembronan nobo pa e Team di Aresto. Team di Aresto ta considera un team profesional cu ta infoca riba diferente area pero un di e areanan importante ta pa pone man riba  sospechoso cu ta considera peligroso. Ta pesey a yega e momento un biaha mas pa recluta mas miembro nobo pa e Team elite aki. Ta pesey comunidad di Aruba por a mira y biba diferente acontecimento riba nos pais e ultimo lunanan aki. Tur esaki tin di haber pa mira e calidad y habilidad di cada cursista cu a participa den e training aki.

  • Conocido musico ta pone fin na su bida

    Conocido musico ta pone fin na su bida

    ORANJESTAD - E conocido musico Antoni Gario a pone fin na su bida den fin di siman. Na e momento ey, e tabata deteni den un cel na warda di Shaba, pa sospecho di a viola su yiu muhe ora cu e yiu tabata menor di edad. Vocero di polis Liliana Rasmijn a confirma cu diadomingo pa 11:30 di mainta Polis di na Warda di Polis Noord a informa Central di Polis cu un preso lo a pone fin na su bida. Manera cu e informe a drenta Centra di Polis a despacha ambulance cu maximo urgencia pa Warda di Polis Noord.

  • Powered by SETAR