Minister ta kere cu ‘feitenonderzoek’ den caso di duda den documento di imigracion ta necesario

ORANJESTAD – Minister Glenbert Croes no ta kere cu e mester baha di funcion, mientras cu Ministerio Publico ta haci un feitenonderzoek riba e aspecto di papelnan di entrada na imigracion, simplemente pasobra e no ta un ‘sospechoso oficial’. Ademas e ta yama e investigacion anuncia awe pa Ministerio Publico como uno ‘bon bini’. “Mi ta kere cu e feitenonderzoek ta sumamente necesario” e mandatario a cuminsa na bisa, durante su conferencia di prensa diamars mainta. 

IMPORTANTE

E mandatario a bay den detaye riba kico a sosode y con e asunto di documento di entrada ta hinca den otro, cu ta involucra su ministerio. E mandatario ta confirma cu durante su periodo di minister, e la emiti un total di 5 carta di ‘eenmalig bewijs van terugkeer’ osea un carta di re entrada. E ta splica ademas cu 4 a wordo duna pa motibonan medico, y uno pa rason humanitario. Ta netamente e caso aki ta wordo menciona unda cu a crea duda na imigracion ya cu supuestamente e carta aki a wordo usa mas di un biaha siendo cu ta un biaha so por usa esaki. 

SEÑORA TIN DERECHO

E mandatario a splica cu e señora cu a bin cu e carta, de echo, lo no tin mester di un documento asina, segun e mandatario, basa riba su situacion. E ta splica cu e señora ta casa cu un Rubiano, cu tin cas na Aruba, visa Mericano, y un yiu cu nacionalidad Mericano cu ta bay scol na Aruba, (De Schakel). Tur esaki segun e mandatario, ta pone cu e señora aki lo no mester di un documento manera ta wordo menciona. 

CLARIFICAE minister ta splica cu ta bon pa e caso wordo investiga pa asina sali na cla kico tur a sosode. Sigur si e documento a crea duda, pa cual a haci denuncia na OM. “Once and for all, mester bin claridad” e minister a sigui bisa.