Aruba ta ricibi un di e barconan crucero mas grandi di mundo awe

ORANJESTAD – Aruba ta ricibi un d e barco crucero mas grandi di mundo diaranson, esta e Allure of the Seas di e compania Royal Caribbean Cruise Lines. E barco ta carga 5.400 pasahero y tin 16 piso. E ta 1.181 pia largo. E costo di e construccion ta poni na 1.2 biyon dollar y a keda completa na 2010 y a haci su prome biahe na december di 2010. 

ARUBA A PREPARA PA ESAKI

Manera por corda, pa por a ricibi e prome mega crucero aki, Aruba Port Authority 3 luna pasa a inverti 1.6 miyon florin pa cuminsa trabounan pa coba y limpia (draga) 100 meter bou di laman na waf, pa asina logra haya e profundidad di entre 12 pa 13 meter bek. E trabou mes a wordo haci pa dos compania Varadero Caribe y Ocean Group di Canada. E profundidad Esaki tabata e profundidad caba pero debi na mal tempo y otro motibo, e profundidad a cambia y bira un problema. Como tal mester a haci un limpiesa pa logra e profundidad bek aki. Unabez cu esaki tabata cla, lo por a ricibi e mega crucero Allure of the Seas di Royal Caribbean Cruise Lines na mei proximo.