Awe nochi SETAR ta presenta su Teleshop remodela na Palm Beach

(ADVERTORIAL)

ORANJESTAD – Practicamente un aña despues cu SETAR a anuncia remodelacion y construccion di su Teleshop nobo na Palm Beach, esaki ta cla pa keda ‘inaugura’ awe dialuna atardi. Esaki ta e di cinco Teleshop cu SETAR a remodela den e concepto nobo pa por brinda su clientenan un experiencia digital y moderno. Den e Teleshop tin un area di “touch & feel”, unda clientenan por experiencia y tambe wak lo ultimo den celular y acesorionan cu tin na benta. E diseño di e teleshop un biaha mas tabata den man di e oficina di architecto Zulo Architects, na man di Paula Andrea Lopez Aguilar di Colombia. E ultimo remodelacion di Teleshop, na Postkantoor tambe tabata den man di e grupo di architecto aki. 

SELF SERVICE

Clientenan cu bishita e Teleshop por haci uzo di e “Self-Service Kiosk” pa paga nan recibo of recarga un cuenta prepaid na un forma rapido of tuma asiento pa wordo atendi pa un di nos representantenan. Den e Teleshop tin un area caminda clientenan por wak television confortablemente mientras ta warda pa wordo atendi. Ademas tin sofa cu ta ekipa cu outlet pa recarga devices. Tur esaki y mas den un forma innovativo cu ta unico na Aruba. 

DISEÑO

E diseño nobo di SETAR su Teleshopnan ta refleha e naturalesa di nos isla y e simbolo di SETAR como nos compania nacional di telecomunicacion. Awor cu a finalisa e Teleshop Palm Beach, SETAR awor ta sigui cu Teleshop Seroe Blanco cu lo ta e ultimo Teleshop pa wordo renoba. Asina aki SETAR ta sigui inverti den modernisa tur su Teleshopnan y aporta na e desaroyo di nos pais door di crea cuponan di trabou. Potret cortesia di Zulo Architects.