Parlamento di Aruba a aproba presupuesto 2022 di pais Aruba

Parlamento di Aruba a aproba presupuesto 2022 di pais Aruba

Posted on 04/5/2022 4:45 pm AST | Updated on 04/6/2022 10:05 am AST

ORANJESTAD – Despues di 5 dia di tratamento di presupuesto di pais Aruba, Parlamento di Aruba a aproba presupuesto 2022 di pais Aruba. Cu un total di  11 voto pro y 10 contra, e ley a pasa y awor gobierno por sigui goberna cu fondonan aloca. Manera custumber, tabatin varios mocion entrega pa tur partido (43 na tur), di cual p.e. pa partido MEP so tabatin 21. Entre e mocionan cu mas a hala atencion ta e mocionnan di desconfiansa contra ministernan Evelyn Wever Croes y Glenbert Croes, y e mocion pa constipia un ley cu ta evita cu den futuro personanan cu ta sospechoso di ley, por forma parti di Parlamento. Esaki ta un ley basa riba e situacion actual unda cu tin un parlamentario pa partido AVP cu ta un sospechoso di un caso penal, pero cu por forma parti di Parlamento, pasobra ainda no tabatin sentencia riba e caso.     

  • Cu cambio di aña pa 2023, tarifa combina nobo di BBO ta bira 7%

    Cu cambio di aña pa 2023, tarifa combina nobo di BBO ta bira 7%

    ORANJESTAD – Riba cambio di aña, e asina yama Plan di Impuesto 2023 di gobierno di Aruba ta drenta na vigor. Esak ta nifica cu pa e fecha ey, e tarifa combina di BBO ta cambia pa 7%. E mandatario encarga Xiomara Maduro a sigura cu e plan   tin como meta pa yega na un sistema fiscal mas simpel y husto. Aki e ta referi na e hecho cu mientras ta aumenta e tarifa combina di BBO, ta bin compensacion y reparticion husto pa e mehoracion di cumplimento di impuesto di ciudadano y bishitante. 

  • Premier Wever Croes: Cuater morto tragico den un fin di siman ta un golpi duro pa comunidad

    Premier Wever Croes: Cuater morto tragico den un fin di siman ta un golpi duro pa comunidad

    ORANJESTAD – Cuater morto tragico den un fin di siman ta un golpi duro pa comunidad. Esaki tabata e mensahe di prome minister Evelyn Wever Croes dialuna, relaciona cu e fin di siman tragico cu Aruba a experencia. E prome mandatario a te hasta haci mencion di e accidente di un siman prome cu a cobra bida di un motorciclista hoben. Pa loke ta e fin di siman aki, e mandatario a para keto na e dos susesonan tragico separa, y a mustra cu raportanan mester determina kico a pasa exactamente. Y den cada caso, si resulta cu tin persona(nan) cu tin cu responsabilisa nan mes pa e actonan, husticia lo trata esaki debidamente. E ta conciente cu e raportnan aki lo no trece e personanan fayeci bek. E la pidi pa tene cuenta cu falta 3 luna pa aña termina y pa nos tin mas compassion y ta mas cuidadoso. Mes momento a manda palabra di forza pa famianan di e 4 fayecidonan. Por mira e mensahe completo AKI. 

  • Minister a inaugural e Cruise Tourism Symposium riba dia di Turismo

    Minister a inaugural e Cruise Tourism Symposium riba dia di Turismo

    ORANJESTAD – Diamars dia 27 di September a celebra World Tourism Day y na mesun momento tambe a celebra Cruise Tourism Industry, cual ta un parti importante den e industria di turismo. Minister di Turismo y Salud Publico, Sr. Dangui Oduber, a inaugura e “Cruise Tourism Symposium” diamars atardi na Marriott Ballroom. 

  • Gobierno a dedica dia di turismo internacional na dos lider pionero den turismo

    Gobierno a dedica dia di turismo internacional na dos lider pionero den turismo

    ORANJESTAD - Diamars 27 di september en conexion cu “Dia Mundial di Turismo” a tuma luga un ceremonia y ponemento di krans na Plaza Juancho Yrausquin pa relexiona riba e esfuerso di cada trahado den henter e industria turistico, for di esnan cu ta traha den sector hotelero, pa esnan cu ta traha na aeropuerto y taxistanan. Pero tambe a honra y dedica e dia na dos lider pionero den turismo, señor Juan Enrique Irausquin y señor Ike Cohen. Prome Minister Evelyn Wever-Croes den su discurso na e ocacion, a conta e storia di ambos persona enfatisando e esfuerso cu cada un a haci pa nos industria turistico. 

  • Gobierno ta sigura cu no a scohe ‘gevmin’ pa Washington ainda, pero realidad ta otro!

    Gobierno ta sigura cu no a scohe ‘gevmin’ pa Washington ainda, pero realidad ta otro!

    ORANJESTAD – Gobierno di Aruba a sigura diamars den un comunicado, cu ‘no tin decision ainda ken lo reemplasa e actual minister plenipotenciario na Washington, Joselin Croes’. Esaki ta interesante mirando cu varios medio (incluyendo NoticiaCla) a raporta caba cu e posicion a keda yena caba y cu e nomber te hasta ta conoci. No solamente esey, pero e persona en cuestion, actual abogado Ronny Wix mes a confirma su funcion diamars pa NoticiaCla. E pregunta ta unda e confusion ta of ‘ken no a haya e memo’.

  • Gobierno a reuni cu secretario di estado van der Burg riba reapertura di frontera cu Venezuela

    Gobierno a reuni cu secretario di estado van der Burg riba reapertura di frontera cu Venezuela

    ORANJESTAD – Gobierno di Aruba a trata e tema di reapertura di frontera cu Venezuela diamars cu secretario di estado hulandes Eric van der Burg, cu tin e cartera di Husticia y Siguridad. Ministernan Rocco Tjon, Evelyn Wever-Croes y Glenbert Croes a reuni cu e mandatario hulandes,  mirando cu e topico di estranheria ta toca diferente faceta, y ta resorta bou di diferente Ministerionan a scoge pa  reuni den e constelacion aki. 

  • Powered by SETAR