Segun sorteo pa Copa Mundial Catar 2022 Hulanda ta den un grupo suave

DOHA – E sorteo pa Copa Mundial 2022 di futbol a divulga ken tur ta topa otro na November proximo. Brasil y Argentina, e dos potencia tradicoinal di futbol suramericano a evita den e sorteo pa confronta Alemanos, y nan a keda cuadra cu Spaña. E prome wega lo ta dia 21 di November proximo entre e anfitrion Catar y Ecuador. Spaña y Alemania ta favorito pa e prome posicion den grupo E, complete pa Japon y esun cu keda den final despues di e clasificacion na juni entre Costa Rica y Nueva Zelanda.

Brazil y Argentina tambe ta scapa di coincide cu Hulanda, cu a resulta den e grupo A hunto cu Catar, Ecuador y Senegal. Argentina lo ta hunto cu Mexico, Polonia y Arabia Saudita. Brazil, cu tin e record di 5 titulo, tin dos ekipo europeo, Suiza y Serbia y un africano, Camerun den grupo G. Entre e duelonan mas atractivo di e prome fase, ta destaca Belgica Croacia, den Grupo F hunto cu Marrueco y Canada, y esun di Portugal-Uruguay, cu hunto cu Ghana y Sur Corea, ta complete Grupo H. Francia den grupo D, ta topa cu Dinamarca, Tunez y pendiente si ta bira Peru, Emirato Arabe Unido o Australia. Esey tin cu dicidi ainda. Y finalmente grupo B, encabesa pa Inglatera, Merca, ran, y falta pa dicidi si ta Gales, Escocia of Ucrania ta completa e grupo na juni proximo. Potret FRANCK FIFE / AFP