RIVM: Tin 4 diferente variante di Covid19 presente na Aruba

DEN HAAG – Na Aruba tin 4 diferente variante di Covid19 presente. Esaki segun e ultimo raportahe di RIVM (Rijks Instituut voor Volksgezondheid en Milieu) e siman aki. Ta trata di e variante Britanico (50), Mexicano (6), California (4) y Brazil (1). Di e cuaternan, 2 tin atencion special debi na nan grado halto di contagio segun RIVM. Aruba tambe a raporta esaki, pero no a raporta cu tabatin 4 variante. Ta prome biaha cu ta tende cu tin variante di Mexico na Aruba tambe. Na Corsou tambe tine presente y na prome instante e departamento di informacion di gobierno a desmenti e informacion aki. 

STAGNACION

Repasando e rapport, RIVM ta raporta cu e cantidad di contagion nobo a stagna, y cu ta considera e casonan di hospitalisacion como halto.

VARIANTE

Di e 317 pruebanan analisa pa e variante, e proporcion ta respectivamente 15,8%, 1.9%, 1.3% y 0.3%, Pues, Britanico, Mexicano, California y Brazil.