Prome cargamento di vacuna pa Covid19 ta yega Aruba awe

ORANJESTAD – Awe tardi ta yega e prome cargamento di vacuna Pfizer contra Covid19 for di Hulanda. E cantidad exacto ta 11.700 segun informacion di Crisis Team siman pasa durante un conferencia di prensa. Mesora despues, diaranson ta cuminsa e operacion pa vacuna e prome grupo, cu ta esnan di sector medico. E intencion ta cu cada 3 siman lo yega un cargamento di vacuna for di Hulanda. E prome grupo cu ricibi e prome cargamento, lo haya e di dos vacuna di e di dos cargamento tambe cu ta yega na comienso di maart proximo.