ORANJESTAD – Segun un comunicado di Aruba Hotel & Tourism Association (AHATA), 2021 a cuminsa cu 67% perdida den ocupacion di hotel. AHATA ta acumula e cifranan di ocupacion y prijs di hotelnan tur luna, y ta raporta cu grado di ocupacion na januari 2021 a baha compara cu december ultimo y ta 67.4% menos cu aña pasa.
JANUARI 2021:
Ocupacion: E ocupacion na hotelnan tabata 25%, mientras cu na December tabata 35%. E ocupacion di Januari ta 67.4% menos cu e grado di ocupacion un aña pasa.
ADR: Mescos cu luna pasa e balor averahe di cada camber bendi a baha, y na Januari ela baha cu 20% compara cu aña pasa pa yega $297.45.
RevPAR: E entrada averahe pa tur camber disponibel tabata $74.70, representando un reduccion di 74% compara cu e mesun luna aña pasa.
PROYECCION:
Proyeccion actual pa ocupacion averahe di hotel ta: 29% na februari y 29% pa prome kwartaal di 2021. Expectativa pa ful aña 2021 su ocupacion ta 44%, cual ta representa un recuperacion di 52% compara cu ocupacion di 2019.
TIMESHARE:
E propiedadnan Timeshare a experiencia un ocupacion averahe di 57% na januari cual ta casi mescos cu december. Proyeccion pa februari tambe ta 57%.
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
ORANJESTAD – Aruba (y Corsou) ta figura den e top 5 di hafnan pa barconan crucero segun e portal cruisefever.net. Ta considera Aruba esun mas conoci di e islanan ABC, segun e portal. E haf di Aruba ta popular pa cruceronan cu itinerario di 8 pa 12 dia. E beachnan blanco, historia colonial, y e seguridad ta motibonan pa e escogencia aki. No descuida pa e oportunidad di compras tambe. Corsou tambe ta figura den e top 5 na di ultimo lugar, esta #5 compara cu Aruba cu ta na number 2. E edificionan colonial tambe y e ciudad Willemstad, e rifnan colorido y e cafenan interesante tabata motibo suficiente pa scohe e isla tambe. E prome pais den Caribe ta St Maarten, sigui pa Aruba, Grand Cayman, San Juan y Corsou.