Aruba awe a registra e prome turista cu a muri di Covid19

Aruba awe a registra e prome turista cu a muri di Covid19

Posted on 01/28/2021 5:45 pm AST | Updated on 01/28/2021 8:09 pm AST

ORANJESTAD - Segun resumen di awe, a registra un total di 49 caso nobo di Covid-19, di cual 48 ta residente y 1 no-residente. A confirma cu ta trata di un turista cu a fayece di Covid na Aruba, y den e caso aki, e ta bira e prome turista cu ta fayece na Aruba di e virus. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 828 test. 'Positivity rate' entre nos residentenan ta 14%. Tin 16 persona cu a recupera.

ACTIVO Y MORTO

Activo tin awe 406 caso, cantidad di fayecido relaciona cu Covid-19 ta 58 persona.  Edad promedio di esnan cu a fayece ta 64 aña. 

HOSPITAL

Hospital ta informa cu tin un total di 20 persona interna di cual 7 ta den Cuido Intensivo y 13 riba unidad general di covid.

  • Powered by SETAR