Maduro: Fiansa haya di Reino ta pa mantene trahadonan na trabou

Maduro: Fiansa haya di Reino ta pa mantene trahadonan na trabou

Posted on 05/3/2020 6:25 pm AST | Updated on 05/3/2020 6:26 pm AST

ORANJESTAD – E fiansa haya di Reino diabierna ultimo, ta pa yuda mantene trahadonan na trabou. Asina minister di Finanza Xiomara Maduro a bisa recientenmente durante conferencia di prensa riba Dia di Labor. Conseho di Minister di Reino a aproba un fianza di 49.5 miyon florin sin pago di interes pa Pais Aruba pa haci e yudansa aki posibel. Cu e ‘zachte lening’ aki Gobierno por brinda yudansa na comercio pa nan por paga salario di nan trahadornan, mantene cupo di trabou y evita cu 37.000 persona keda sin un entrada debi na e crisis di COVID19.

Subsidio di salario 

E subsidio di salario ta encera cu Gobierno ta brinda un yudansa financiero na e dunado di trabou pa por cubri un maximo di 60% di su gastonan di salario. Cu e subsidio aki e empresario por paga 80% di e salario di su trahadonan. E resto di 20% lo ta e aporte di e trahado cu un reduccion di oranan di trabou. E meta importante di e yudansa di Gobierno ta pa evita cu companianan ta kita e trahadonan for di trabou. 

Informacion detaya

Durante siman di 4 di mei tur doño di trabou cu ta bin na remarke pa e subsidio di salario, lo ricibi un email di SVB cu e informacion detaya con pa aplica pa e yudansa financiero cu Gobierno ta brinda na comercio. Pa mas informacion por bishita e website di SVB www.svbaruba.org bou di MiSVB. 

 

  • Powered by SETAR