ORANJESTAD – Despues di a sali 3 siman pasa for di Hulanda rumbo Caribe, e barco di marina Hulandes Zr.Ms. Karel Doorman a yega Aruba diaranson mainta pa asina sostene autoridad di e isla. Prome cu esey e la yega St Maarten diabierna siman pasa y a pasa Corsou e siman aki. E bapor lo permanece den e region pa 3 luna inicialmente. Cu e presencia di e bapor di sosten logistico, e islanan di Caribe Hulandes por conta cu mas capacidad banda di e bapor Zr.Mr. Zeelan. Por pensa entre otro riba control di frontera, y orden publico. E bapor ta ekipa tambe di facilidad medico pa yuda e cuido medico pa casonan no relata na COVID. E ayudo aki ta debi na e peticion di e islanan di Caribe cu e peticion pa yuda cu e control di frontera y orden publico. NOTA: E potret ta uno di archivo.
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.