Casonan positivo di coronavirus pa Aruba a bira 92

ORANJESTAD – Aruba a conoce 6 caso mas pa un total 92 caso positivo di coronavirus. Mes momento por raporta cu 2 persona a recupera pa un total di 29 persona. Ta keda total 63 persona activo cu e virus, di cual 9 ta den hospital unda cu 3 ta den ICU. For di DVG a compronde cu casi mitar di esnan positivo, ta hendenan cu a contamina entre nan mes, door di no tene nan mes na regla. Diadomingo lo tin un relato riba e situacion aki, cu manera cu representante di DVG a bisa diasabra anochi, ta un situacion alarmante.