- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
CMB a reacciona tocante empleado cu a test positivo pa coronavirus
ORANJESTAD - Caribbean Mercantile Bank N.V. a tuma nota di mensahenan cu ta riba media social encuanto di un incidente cual a tuma luga cu un colega di nos banco. Asina director di e banco, sr Javier Wolter a reacciona pa medio di un comunicado dialuna atardi. "Tumando na cuenta e desaroyonan actual cu ta yegando mas serca di nos tur, na unda un di nos coleganan cu tabata cu vakantie pafo di Aruba a test positivo na Coronavirus, nos kier clarifica cu e colega despues di su vakantie tabata un rato so den Banco y a wordo manda cas pa cuarentena pasobra e tabata na Merca. Mientrastanto e empleado ta na cas y nos ta desea un pronto recuperacion. Tin cu subraya cu e empleado en cuestion no tabata tin contacto cu publico. Alabes nos a tuma e decision te cu un próximo aviso pa manda tur e trahadonan di Noord Branch cas y a dicidi di biaha pa mantene e sucursal cera paso no tin mucho negoshi door di cierre di e hotelnan y tampoco di e negoshinan den e districto" e comunicado a sigui bisa. " Bienestar di nos empleadonan ta na prome luga pa nos, como tambe e proteccion di nos clientenan y henter comunidad. No tin motibo pa tin miedo of panico, pero si tin motibo pa nos tur BAN PREVENI!" e comunicado a finalisa bisando.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
