Gobierno ta pendiente di 381 persona den cuarentena na Aruba pa coronavirus

ORANJESTAD – Gobierno di Aruba a anuncia cu a split e grupo grandi di 381 persona cu ta den cuarentena aworaki pa loke ta e coronavirus. Esaki ta personanan cu ta pendiente pa wak si nan ta desaroya e simptomanan. Prome minister Evelyn Wever a bisa cu di e grupo aki, tin 65 persona cu ta wordo monitoria pa DVG hopi estricto pasobra nan tabata den contacto cu un di e 5 personanan cu tabata positivo pa coronavirus. E otro 316 personanan ta esnan cu a yega Aruba di paisnan afecta pa coronavirus y cu a wordo pidi pa tambe bay den cuarentena pa wak si nan ta desaroya simptoma of no. 

TRATA DIFERENTE

DVG ta trata e grupo aki diferente, pero Wever a informa cu awor nan tambe lo haya un control mas rigoroso durante e periodo di cuarentena. E periodo di cuarentena ta 14 dia. Awe mainta ainda tabata falta 5 persona pa haya resultado. Noticiacla a compronde cu diasabra algun di e personanan aki mester tende di e resultado.